Nguripake lan Mateni Layar Android tanpa Menet Tombol Power
Diposting oleh : Administrator
Kategori: Aiti - Dibaca: 10 kali

Kabeh ponsel android, sing murah­an apadene sing larang, mesthi nduweni Tombol Power. Tombol Power biasane ana ing bagian iringan, bisa ing tengen, kiwa, utawa ing ndhuwur. Apa ta fungsi tombol power android iki? Kabeh mes­thine wis padha ngerti yen tombol power nduweni fungsi kanggo mateni utawa nguripake ponsel android. Saliyane iku, fungsine uga kanggo ngunci utawa mbu­kak kunci layar android.

Minangka pawongan kang migunak­ake android, kaping pira jroning sedina menet tombol power androidmu? Mes­thine akeh banget ya. Nanging, wis nger­ti durung yen tombol power kuwi sate­mene sensitif banget lan gampang rusak. Biasane sing kerep yakuwi “ambles” men­jero rusake.

Nah, kanggo nyuda kerepe nganggo tombol power android iki, saran kita, be­cike gunakna aplikasi tambahan kang arane Volume Unlock. Volume Unlock mu­judake aplikasi gratis kang dikem­bangkan dening Kimcy929. Kita uga ora perlu nindakake root ing android nalika migunakake aplikasi iki. Saliyane iku, kita uga bisa manfaatake tombol Volume “+” lan “-” kanggo nguripake layar android. Penasaran piye carane migunakake apli­kasi iki, mangkene langkah-langkahe.

 

1. Kawitan, undhuh aplikasi Volume Unlock via google play kanthi gratis.

2. Sawise kasil ngundhuh, pasang lan bukak aplikasi ksb. Aktifna ing bagian “Enable Volume Unlock” supaya bisa manfaatake tombol Volume + lan – kanggo nguripake layar android. 

3. Aktifke uga ing bagian “Start on boot” amrih aplikasi iki bisa terus murub nalika smartphone kita wis reboot. 

4. Sabanjure aktifke uga ing bagian “Screen of from Notification” kanggo nambahake widget unlock supaya kita bisa ngunci layar tanpa kudu menet tombol power. 

5. Sing pungkasan, kita bakal dikon ngaktifake akses administrator, pilih menu Settings > Scurity > Device Administrator > Volum Unlock (cawang). 

6. Rampung wis.

Nah, mangkono mau carane ngurip­ake lan mateni Layar Android tanpa me­net Tombol Power. Kanthi migunakake cara ing ndhuwur saiki kita ora perlu ma­neh migunakake tombol power kanggo ngunci utawa mbukak kunci layar android.

Muga-muga mupangati. (d)***

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)