Kenthang Wungu bisa ngueangi Kanker Usus Besar
Diposting oleh : Administrator
Kategori: Kasarasan - Dibaca: 107 kali

Sawijining ilmuwan ngandhakake yen kenthang wungu nduweni nutrisi lan antioksidan engga tikel kaping 10 luwih gedhe yen ditandhingake karo kenthang biyasa. Kenthang wungu uga dipercaya nduweni sakhing vitamin kang migunani mungguhing badan.

Dicuplik saka kaca asiantown.net, panaliten sing paling anyar nyebutake menawa nutrisi kang kinandhut ing kenthang wungu beck banget kanggo nyegah lan nyuda risiko kanker usus besar.

Ora mung iku wae, zat antioksidan kang kinandhut ing njerone kenthang wungu uga becik kanggo nyuda resiko obesitas (kelemon) sarta kanker pencernaan.

Saben dina mangan kenthang wungu rong porsi suwene sesasi malah dipercaya bisa ngedhunake tekanan darah tumrap pawongan obesitas. Tanduran mawa werna mligine kenthang wungu, dipercaya ngandhut dadi siji (senyawa) bioaktif, kayadene anthocuanin lan asam fenolik sing migunani kanggo nyegah kanker sarta mateni sel kanker njero badan.

Jairam KP Vanamala, profesor ing Pennsylvania State University ngandhakake, “Kaya kang kita sinaoni, panganan kaya gaman. Iki bisa ngundhakake risiko penyakit, iki minangka obat lan iki bisa nyegah resiko kanker usus besar. Kenthang wungu bisa nyegah resiko kanker usu besar,” ujare.

Sawatara iku, panaliten sing diwara-warakake ing Journal of Nutritional Biochemistry ngandhakake yen memangan panganan sing ngandhut macronutrien utawa zat sing dibutuhake badan sing cacahe akeh kaya protein, sarta memangan panganan kang ngandhut micronutrien lan filonutrein kaya vitamin, karotenoid lan falvonoid ndayani banget kanggo nyegah resiko kanker.

Profesor Vanamala nambahake, “Kanker usus mujudake ‘pembunuh utama’ ing sakehing negara kulonan. Sing dadi sebabe yaiku kakehan memangan daging lan kurang memangan sayur lan woh-wohan. Kenthang putih pancen ana manfaate, nanging kenthang wungu antioksidan-e dhuwur saengga luwih dhuwur mupangate,” tandhese.

Sanajan mangkono, ora mung kenthang wungu wae sing gedhe manfaate mungguhing kasarasan. Sayur lan woh-wohan sing duwe werna liyane uga nduweni kagunan sing ora kalah nggumunake saka kenthang wungu.

Kurangi memangan daging lan ngakeh-akehake menangan sayur lan woh-wohan supaya badan kita saras saengga adoh saka sakehing pe-nyakit. (B)

 

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…