Jula-Juli
Diposting oleh : Administrator
Kategori: Rena-rena - Dibaca: 16 kali

Minangkani pamundhute para su­tresna PS, rubrik “Djula-Djuli” sing biyen diserat Pemimpin Redaksi Imam Su­pardi, wiwit nomer iki kita pacak maneh sesasi pisan. Sing ngembani pembantu PS ing Jakarta, Sdl. Gunarso TS. Sugeng maos. - Redaksi

 

     

MENKO Polhukam Wiranto bali ngelikake, isyu PKI ora perlu digoreng-goreng dienggo ko­moditas politik. * Isyu digoreng-goreng nganti garing, senajan wong wis gerang bisa dadi garang, rakyate tambah ge­ring.

***

SENAJAN menang praperadilan lan wis bali sehat maneh, generasi mudha Golkar ngajap Setya No­vanto rila nuding Plt Ketum Golkar.

* Sawise bola-bali gol, saiki bakal nye­kakar, Setya Novanto setres perlu ngom­be Novalgin.

*** 

ARIS Wahyudi pandarbe situs Nikahsirri.com ditangkep polisi, amarga lelang keprawanan Rp 5 juta kanthi pawadan ngowahi jinah dadi ibadah. * Aris pancen ndhugal ku­warisan, dodol keprawanan wekasane dadi tawanan.

***

GUGATAN pra peradilan Ketua DPR Setya Novanto sing dadi ter­sangka kasus korupsi e-KTP, jebul malah dimenangake hakim Cepi Is­kandar. * Yen mengkono e-KTP bisa di­tegesi: (e)dan, (K)orupsi (T)ambah (P)erkasa.

***

JARENE Rani bojone, Aris Wahyudi pikirane saiki kari 80 % (kenthir) sawise kalah Pilkada Banyumas dhek taun 2008. * Aris Wahyudi durung kewahyon, pengin dadi bupati malah sarape sing lara kepati-pati.

***

MENKO  Polhukam  Wiranto nglempengake kabar sing dilansir Panglima TNI Gatot Nur­mantyo, yen BIN tuku senjata dudu 5.000 nanging mung 500. * Gara-gara nol siji, Gatot-Wiranto ora gathuk, Panglima TNI getem-getem lan rakyate melu geger.

***

MANUT asil surveine SMRC, sing percaya yen PKI bakal tangi maneh racake pendukung partai Partai Gerindra lan  Partai Keadilan Sejahtera (PKS). * Luar biasa, Gerindra bisa nggerinda (motong) keyakinane rak­yat sing durung sejahtera.

***

SENAJAN wis kalah pindho (2008-        2013), Mensos Khofifah Endar Parawansa meksa kepengin ma­neh melu Pilgub Jatim 2018. * Ninggal Kemensos dikuwatirake malah ngowos, melik jabatan gubernur yen kalah ma­neh…. sida gaber-gaber.

***

ORA setuju Perpu Ormas dienggo mbubarake HTI, Jemuwah wingi seklompok umat rame-rame demo ing DPR kanthi istilah “Demo 299”. * Demo dina Jemuwah ngajak ora omah, gawe istilah kaya sabun colek Ratmi B-29 sing wis almarhumah.

***

DIBANTU pengacarane, jemaah umroh korban “First Travel”          nem­puhake pemerintah amrih nambeli kapitunane. * Bos “First Travel” dhewe owel, pokale swasta kok peme­rintah dikon nyah-nyoh nomboki, kok le gunyih!

***   

(GTS)

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)