Tawuran
Diposting oleh : Administrator
Kategori: Banyumasan - Dibaca: 12 kali

Minggu wingenane pas wektu shalat subuh, nang mesjid  kampunge kaki Bawor, ketekan tamu sekang Polsek. Tujuan rawuhe para penegak hukum seliyane nganakaken shalat subuh keliling sing deadani saben minggu nang musholla lan masjid se kecamatan. Petugas sekang Polsek  uga kepengin gendhu-gendhu rasa ngenani keamanan, ketertiban masyarakat lan penerangan ngenani narkoba.

“Kepolisian Republik Indonesia terus nyengkuyung keamanan, ketertiban masyarakat nang ngendi papan se Indonesia,” ujare Ibu Polisi sekang Unit Kamtibmas.

“Mulane kuwe kepolisian nyuwun maring masyarakat, mayuh bareng-bareng diawasi putra/putri kita aja nganti padha tawuran lan padha kenang narkoba. Dadi sekang kepolisian ngemutaken maring inyong kabeh jamaah masjid, mayuh gotong royong njaga ketertiban,” ujare pimpinan kepolisian sekang Polsek sing diwakili dening Kepala Unit Binmas.

“Bapak-Ibu jamaah, nek nang tengah masyarakat ana kedadeyan sing ora teyeng ditangani dhewek dening masyarakat, panjenengan teyeng nilpun Ajun Inspektur Satu (AIPTU) Sarpin, Bintara Pembina keamanan lan ketertibn masyarakat (Babinkamtibmas) nang ndesa/kelurahan kiye,” prentahe karo nidokaken Aiptu  Sarpin, babin­kam­tibmas kelurahan/desa sing asli sekang Kalimanah-Purbalingga, sing uga melu sholat subuh keliling anggota Polsek.

“Ramane, inyong setuju banget karo ngendikane kepala Unit Kamtibmas Polsek, ngenani oknum bocah-bocah sekolah sing sokan ndhugal nang ndalan, kelebu tawuran. Malah sekang Polsek mau crita, ana truk sing dibajak nang oknum bocah nakal. Nigen supir truk pikirane pinter. Truk sing dibajak dilebokaken maring latar kantor Polsek. Bocah-bocah sing garep tawuran mlayu kocar-kacir nyla­metaken awak, men ora ditangkep dening pulisi. Lha nang kono ke­temu senjata tajam wujud clurit, pedhang, glathi lan liyane, ca­cahe nganti pitulas iji. Jajal nek nganti kedadeyan tawuran, tulih bakal ana sing dadi kurban,” ujare Tebok prihatin.

“Mulane bener tindakan polisi, ngemutaken maring masyarakat. Lha anggota masyarakat kelebu jamaah shalat subuh kon padha waspada lan ngati-ati ngawasi putra/putrine. Aja nganti tawuran. Kuwe mbokan salah gedhe. Wong tuwa ngarep-arep anake tekun sekolahe, ora ngerti anake balik wis dadi layon jalaran tawuran,” kaki Bawor nyauri omongane anake wadon karo mangan kuwe berkat sekang mesjid.

“Medeni banget ya Ramane,” ujare mbekayu Tebok karo ngelapi mripate sing mulai teles. Mbekayu Tebok kemutan keponakane sing tembe bali sekolah, pupune dibacok nang bocah sekolah liya nalika medhun sekang angkot. Mangkaning keponakane ora ngerti jalaraning perkara. Mung dadi kurban salah sasaran.

“Mengko nek maring karang taruna, critakaken maring kanca batir karang taruna, kudu melu ngawasi adhi-adhine sing tesih umur SMP-SMA. Jalaran umur-umur semono pancen pikirane egin durung meneb. Inyong mengko nek ana pengajian uga garepan ngomong maring jamaah, kon ngati-ati ngawasi anak-anake, aja nganti tawuran lan  kecanduan narkoba. Tindakan kaya kuwe nyuremaken masa dhepan generasi mudha lan generasi bangsa,” ujare kaki Ba­wor. KLILAN

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)