Kawiyak, iki kang Ndadekake Rossi edan-edanan ing Aragon
Diposting oleh : Administrator
Kategori: Olahraga - Dibaca: 9 kali

Pembalap Tim Movistar Yamaha, Valentino Rossi, gawe kejutan kanthi tampil ing balapan ing Sirkuit Aragon, Spanyol mentas ikiu. Muncule The Doctor ksb jelas ngagetake banget, ngelingi dheweke durung pulih banget saka larane ceklek balung fibula lan tibia ing sikil tengene.

Nanging, kanthi tekad kuwat pranyata Rossi bisa melu ngebut ing balapan mau. Ora mung saderma tampil, nyatane rider umur 38 taun iki cukup kompetitif bisa ngenggoni posisi loro nalika babak kualifikasi.

Mung emane, penampilan Rossi sempat mlorot nalika balapan temenan. Kolektor pitung gelar juara dunia MotoGP iku mung bisa ngrampungake race ing papan kalima.

Penampilan Rossi ing Aragon mesthi wae dadi tanda tanya gedhe, kok bisa sawijining pembalap kanthi tatu kang nemen bisa saingan karo rider ngarepe. Pranyata, salah siji perusahaan kang nggawe rem, Brembo, mbocorake  rahasiane Rossi iki.

Brembo ngandhakake yen Rossi migunakake rem jempol nalika balapan ing Aragon. Kanthi mangkono, mula The Doctor bisa ngerem tanpa migunakake sikil tengene kang pancen durung waras kuwi.

“Pembalap nggunakake rem jempol kanggo ngurangi tekukan ing sikile. Kita bisa ngandhakake rem jempol saiki digunakake kayadene traction control. Saliyane iku, tanpa ngurangi respek marang rem mburi kang biasa, rem jempol uga aweh ergonomis kang luwih gedhe” jelase.

Rossi uga dudu pembalap pisanan kang migunakake rem jempol nalika balapan. Sadurunge, uga ana Maverick Vinales (kanca saktim-e Rossi), duo Ducati Andrea Dovizioso lan Jorge Lorenzo, sarta Danilo Petrucci kang wis padha migunakake jroning sawenehing wulan pungkasan iki.

 

Pensiun, Rosberg dadi Komentator

Sauntara kuwi juara dunia Formula One (F1) 2016, Nico Rosberg, ngaku seneng karo aktifitase kang anyar minangka komentator ing salah sijine media televisi yakuwi SKY. Mantan driver Mercedes AMG iku ora sabar pengin enggal ndeleng aksine para pembalap ing GP Jepang minggu ngarep.

Kaya kang kita mangerteni, Rosberg gawe keputusan ngagetake sarampunge oleh gelar juara dunia. Priya asal Jerman iku aweh keputusan pensiun saka jagading balapan.

Saikine dheweke bali ambyur maneh ing ajang balap jet darat. Nanging, ora dadi pembalap nanging minangka komentator.

Pancen aktifitase Rosberg nalika pensiun ora pati akeh. Dheweke dipilih dening Mercedes minangka dhuta tim Silver Arrows. Mula kuwi, dheweke wis ora sabar ana ing ngarepe kamera supaya bisa andum kawruh karo sutresnane.

Nah, saiki Rosberg bakal bali ing ajang balapan F1. Dheweke dadi pundit lan komentator kanggo SKY TV nalika balapan GP Jepang.

“Aku seneng bisa ngonfirmasi yen aku bakal nggabung karo tim Sky F1 akhir minggu iki ing Jepang” ujare Rosberg kang dipethik saka Planet F1.

“Sajege pensiun taun kepungkur aku mung nekani sawenehing Grand Prix, dadi aku seneng bisa bali kiprah maneh” panutupe mantan pembalap umur 32 taun ksb.

(d)

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)