Ngunggar Kemacetan ing Ngarep RSI
Diposting oleh : Administrator
Kategori: Yak Opo Kabare - Dibaca: 27 kali

Suk Desember dalan iki diajap wis bisa lancer.


Para pengen­dara sing liwat ing Jalan Ahmad Yani saka arah bunderan Waru tansah sambat macet nalika ngliwati rel kereta api (KA), trepe ing ngarepe rumah sakit Islam (RSI) Wonokromo. Kemacetan iku merga anane sepur kerep liwat, dalan rupek, lan  ana penggokan saka Jalan Mayang­kara menyang Jalan Jetis Kulon.

Sawijining pa­wongan sing kerep liwat kono yaiku Teduh, warga Si­-do­arjo kandha kema-cetan ing dalan KA iku ndadekake dheweke kerep telat anggone mlebu kantor. Mulane saiki yen budhal kantor diesuki.

“Sing paling susah kanggone sing numpak sepedha motor. Yen mobil bisa munggah flyover (jembatan layang). Dene mungguhing sepedha motor kudu liwat ngisor,” kandhane Teduh sing kantore ing Jalan Bubutan iki.

Kemacetan sing ndadekake dheweke sebel dumadi nalika wayah esuk lan sore, utawa pas jam budhal lan mulih kerja. Becik macet merga mgenteni KA liwat apadene ngenteni kendharaan saka penggokan Jalan Mayangkara menyang Jetis Kulon utawa menyang Jalan Wonokromo.

“Suwe lan gawe sum­pek. Sawise saka arah frontage road bisa mlaku lancar lan nyaman, kudu jejel riyel suwe ing sisih kiwane Royal Plaza,” kan-dhane karo ngajap Peme-rintah Kota (Pemkot) Sura-baya enggal ngunggar dalan sing kerep macet kasebut.

Saiki Pemkot liwat Dinas Perhubungan (Dishub) wiwit mbudidaya ngunggar kemacetan ing kono.Rekanan saka Dishub wis mbangun pos jagan KA mundur 15 meter saka pos jagan KA lawas. Pos jagan KA sing anyar iku wis siyap dipanggoni.

Sawatara iku, Kepala Bidang Lalu Lintas Dinas Perhubungan Kota Surabaya Robben Rico ngandhakake, saiki palang pintu KA lagi diundurake. Dheweke ngajap, pungkasan taun iki kahanane bottlenech (kemacetan) ing kono bisa diunggar.

Manut kandhane, sawise pos jagan KA sing anyar rampung, pos jagan KA sing lawas enggal dibongkar. Jembare dalan kono uga bakal tambah 10 meter, saengga longgar.

Klawan mangkono, tambahe Robben, dalan kasebut wis ora bakal macet alias lancar lan nyaman. Rencanane, jembare dalan iku bisa nyambung karo frontage road Wonokromo.

“Nanging kudu nunggu proses. Kawiwiti klawan njembarake pintu kereta ing titik kono,” tandhese.

Jalaran dalane dijembarake, palang pintu KA iku uga bakal diambakake. Sadurunge mung ana palang pintu siji, mengko palang pitu KA ditambah dadi loro kanggo sisih kulon lan wetan.

Anggaran kanggo nambah palang pintu KA lan mbangun pos jaga KA udakara Rp 1,4 miliyar. Dene kanggo lahane nyewa saka PT Kereta Api Indonesia (KAI) klawan ragad nol ripis alias gratis. (Bsh)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?