LSW 41 / 2017
Diposting oleh : Administrator
Kategori: Layang Saka Warga - Dibaca: 57 kali

Nambahi Sithik: Tulisan Jawa Lan Maca Jawa

 

Taun 1952 aku sekolah guru, Pendhidhikan Guru Agama Negeri ing Purwokerto, karang sekolah guru ya ana pelajaran basa Jawa, luwih mantep tenan. Pancen saben-saben masalah kuwi ana ilmune dhewe-dhewe. Basa apa wae ya ana ilmune dhewe dhewe. Dadi aja gumun yen tulisan lan olehe maca kok ora padha. Basa basa Eropa, Inggris, Belanda, Jerman uga Perancis ya kaya ngono. Padha wae karo basa Jawa ya sithik-sithik ana sing olehe maca ora cocog karo tulisane.

Kaya tembung sing ditulis  PUNAPA, lan PUNIKA ucapane kudu MENAPA lan MENIKA. Ana uga ucapane padha, nanging tulisane (wujud hurufe) beda, kaya ta LANJARAN karo LAN JARAN. Lanjaran pring apa kayu kanggo rambatan wit (kacang panjang) ben wit isa ngadeg dene lan jaran …. lan kewan jaran.

Ana maneh tulisan TEKA isa diwaca / kudu diwaca TEKA utawa kudu diwaca KOK. Contone: Adik nembe TEKA saka pasar (diwaca TEKA=datang). Ora kudanan TEKA teles (diwaca KOK= tetapi). Yaa, kaya ngono iku sing jenenge basa, tumrap basa apa wae ana hal hal sing ora baku, irregular.

Nuwun. (R. Sumarlan Karti Suhadi – Purworejo)

 

 

Nyuwun pirsa bab penanggalan

 

Keparenga ndherek nyuwun pirsa, yen bocah lair ing tanggal 25 September 2017, dina Senen bengi watara jam 23.15, iku petungane dina kepriye ? Melu dina Senen Pon apa Selasa Wage ? Banjur tanggale mle bu tanggal 25 apa 26 ?

Aku nyuwun pituduh lan matur nuwun. (Ibu Aluissia Dj Budiwati Sudarsono Petahanan Rt 02 / Rw 01  Jajag, Gambiran —  Banyuwangi)

 

l Manut petungan taun Masehi, dina utawa tanggal diwiwiti tengah wengi. Sarehne laire jam 23.15 (durung jam 00.00), mula tanggale isih melu tanggal 25 September 2017. dene manut petungan taun Jawa utawa taun Hijriyah, dina lan tanggal diwiwiti wektu srengenge angslup (matahari terbenam = waktu Maghrib).

Bayi iku lair sawise srengenge angslup, mula mlebu dina Selasa Wage, tanggal 6 Muharram 1439 H. yen petungan Jawa, tanggal 6 Sura 1951 J, taun Dal windu Sengara, wukune Wuku 6 = Wuku Gumbreg.

l   Red.

 

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…