E n d h o g
Diposting oleh : Administrator
Kategori: Sing Lucu - Dibaca: 60 kali

E n d h o g

Gareng  :      “Pak Hakim, kula niki mung nyolong endhog loro, kok diukum limang taun, rak ya ora adil ta?”

Hakim :        “Soale, endhog sing kok colong kuwi endhog pitik bangkok. Sing bapake alias jagone biyen tukune limang yuta, yen menang tarung bisa ngasilake pirang-pirang yuta.”

Gareng :      “Terus....?”

Hakim :        “Lha yen endhog loro kuwi netes lanang kabeh, rak padha wae kowe kuwi nyolong sepuluh yuta, ta?”

Gareng :      “Mampus, aku! (Kir: Begawan Cipto Adi)

 

J e n e n g

Gareng :      “Bayen maneh, ta?”

Bagong :      “Mulane kuwi, aku njaluk tulung golekna jeneng!

Gareng :      “Lha sing gedhe sapa wae?”

Bagong :      “Mbarepe Wahadi, sing nomer loro Waradi.”

Gareng :      “Sing nomer telu apike “Waraha”.

Bagong :      “Cocog, lan kayane sak desa ora ana sing padha.”

Gareng :      “Ora ming sak desa, malah sak negara.”

Bagong :      “Waraha kuwi tegese apa?”

Gareng :      “Celeng.”

Bagong :      !!!??? (Kir: Begawan Cipto Adi)

 

N g i m p i

Gareng  :      “Susah banget, pirang-pirang bengi iki aku kerep ngimpi diuleng-uleng cewek pirang-pirang, nganti gila aku!!”

Bagong :      “Lha kudune seneng, kok malah gila?”

Gareng :      “Soale nang pangimpen iku, aku ya dadi wedok.”

Bagong            :           “Ooo...!!” (Kir: Begawan Cipto Adi)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?