Khaul Makam Pagaran Pemalang
Diposting oleh : Administrator
Kategori: Pasujarahan - Dibaca: 50 kali

Wong cacah ewon ngebaki makam Pagaran ing Desa Pelutan Kec. Pemalang Kab. Pemalang, Jateng saperlu kanggo nekani khaul Habib Soleh Bin Segaf Al Habsyi, mentas iki. Wiwit esuk rombongan peziarah mlebu makam paling gedhe ing  Pemalang iku.

 Kejaba ditekani dening kulawarga Al Habsyi saka Jakarta lan dhaerah liyane uga sawetara pejabat unsur muspida., para peziarah sing teka saka endi-endi saka  maneka pelosok desa, ora mung  peziarah saka kutha Pemalang dhewe.

Merga banget akehe peziarah, panitia khaul nganti kuwalahan lan njaluk bantuan aparat keamanan saka Polres, Kodim lan Banser kanggo ngamanake lumakune acara khaul kasebut.  Jalaran makam Pagaran ana ing pinggir jalur pantura, yaiku Jalan Brigjen Katamso lan Jalan Prof Yamin,  sing klebu dalan vital ing Pemalang.

Ketua panitia khaul makam Pagaran,  Ismed Kaharsyah njelasake, acara khaul Pagaran mujudake  agenda taunan kang dianakake ing wulan Syawal, sarta dianakake dening kulawarga Ali Al Habsyi lan Yayasan Makam Pagaran. Panyelenggaraan khaul iki mligi kanggo mauidloh khasanah saka kulawarga Habib Ali Al Habsyi, dene panitia panyelenggara saka Yayasan Makam Pagaran

“Kanggo taun ngarep diajap pelaksanaan khaul luwih gedhe maneh saperlu nerusake program-program sing wis disusun dening Yayasan,’’ ujare Ismed ing lokasi khaul kasebut.

Kaya kang wis dimangerteni,  Yayasan Makam Pagaran wis nindakake penataan kaya pavingisasi dalan makam, nglengkapi karo MCK lan kantor Yayasan.

Ing pangajap mengkono bisa  migunakake lemah kosong ing sisih makam kanggo mbiyantu para sing liwat kanthi nyedhiakake rest area, utawa bisa difungsekake kanggo wisata religi.

(Imam As)

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)