Bebaya Latent PKI
Diposting oleh : Administrator
Kategori: Surabayan - Dibaca: 14 kali

“Keri-keri niki umek maneh perkara waspada ndhuk bebaya latent PKI, encene prasaku sing koyok niku bener supayane kedadeyan lawas sing ngeres-eresi ati niku gak kelakon maneh. Campuh antarane bala dhewe muk merga keyakinan, sing padha kepengin unggul sing siji barek sing sijine. Nek wis onok sikap golek menange dhewe niku sing bahaya, merga wis mesthi wong niku terus golek cara supayane unggul mbuh niku tepak tah gak tepak pokoke isok kuwasa. Lha niki sing medeni, mergane sikep koyok ngene niki gak katene isok bisa ilang, engkuk kalah, terus golek cara supaya terus gedhe, gedhe thithik terus ae sikep golek menang dhewe niku ditokna maneh, niku sing arane bahaya latent, artine bahaya niku gak isok ilang. Makane nek saniki onok ide supaya arek arek dikongkon nontok film niku mau tak kira niku apik-apik ae gae njagani supayane sing arane bahaya latent niku gak kober gedhe,” kandhane  Ning Sumeh ndhuk bala-balane.

Cak Bedja nyauti “Bener pean ning, aku dhewe setuju barek ide niku, sing tak herani ndhuk tengah masyarakat onok pro kontra, nek prasaku wong sing gak setuju niku aku kuwatir nek asline kepengin PKI isok urip ndhuk Indonesia maneh, nek onok wong kandha saniki PKI akeh ndhuk tengah masyarakat encene awak dhewe gak isok nyalahna.”

“Kandha masyalah PKI artine awak dhewe wis ngrembug masalah politik, tapi masiya awak dhewe niki wong cilik, ya gak bodho-bodho nemen, isok lah nontok kedadeyan sing saniki rame ndhuk masyarakat. Keyakinan niku gak isok ilang ndhuk masyarakat, gak isok kabeh dikongkon melok dadi Islam kabeh, tah Kristen kabeh, Budha kabeh tah liyane, paham komunis, masiya dilarang ndhuk Indonesia tegese terus ndhuk masyarakat niku gak onok tah. Aku yakin onok, cumak meneng-menengan, gak wani terus terang merga niku dilarang,” cak Ari nambahi.

Pak Lik Dur omong  “Bener dulur, masiya sacara resmi PKI saniki ndhuk Indonesia gak onok, ojok dianggep nek encene gak onok temenan, marine dilarang biyen sampek saniki, tak kira sing biyen terus tiarap saniki wani muncul maneh masiya gak terang-terangan, tapi isok ae jenenge wis ganti, tapine prinsipe duwe paham PKI niku mau, masiya gak diblakakna, engkuk nek masyarakat wis kulina, thithik mbaka thitik, barek argumen-argumen sing isok ditampa rakyat PKI terus muncul maneh, embuh niku nggae klambi anyar tah gak apa jare mengkok. Makane awak dhewe niki kudu tetepa waspada aja gampang kagetan, ojok gampang gumunan, ojok seneng anut grubyug.”

(Sing tetep sumarah ndhuk pituduhe Gusti Allah: Cak Ari, Cak Bedja, Pak Lik Dur barek Ning Sumeh).

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)