Bumidirjo
Diposting oleh : Administrator
Kategori: Banyumasan - Dibaca: 12 kali

Jeneng Kebumen utawa Kabupaten Kebumen neng Jawa Tengah kuwe ora teyeng dipisah karo pawongan kanga aran Pangeran Bumidirjo. Panjenengane kuwe ulama lan bangsawan rayi kandung Sultan Agung Hanyakrakusuma ing Mataram. Nalika Sultan Agung taksih ngasta dadi punjering adil keraton Mataram, Pangeran Bumidirja kuwe minangka penasehat ratu.

Nanging bareng keprabon dilintir dening putrane Sultan Agung yakuwe Sunan Amangkurat I, pangeran Bumidirja kang dadi penasehat tur paman Sunan, malahan dimungsuhi jalaran apa kang diaturaken Pangeran Bumidirja kalebu mbelani ulama sing arep diukum mati dening Sunan, malahan ora dipaelu dening Sunan. Malahan, Pangeran Bumiddirjo arep disedani dening Sunan Amangkurat. Mulane njeng Pangeran banjur ninggal Keraton Mataram arah ngulon, kang banjur lenggah nang sepinggiring kali Lukulo.

“Ramane, keprimen critane nganti grumbul pinggir kali Lukulo banjur diarani Kebumen?” takone mbekayu Tebok nalika melu ramane mlaku-mlaku maring pinggir kali Lukulo sing sekiye dijenengi kota Kebumen.

“Jalaran dioyok-oyok dening Ratu Mataram arep dipateni, Pangeran Bumidirjo nang pinggir Kali Lukulo njuran ganti jeneng dadi Ki Bumi. Lha panggonane Ki Bumi dadi ketelah dukuh Ki Bumi utawa Ki Bumi-an. Sing seteruse njuran mleset dadi Kebumen. Kuwe kedaden watara tahun 1670-an. Kuwe tegese, asal muasal jeneng Kebumen sekang Ki Bumi sing pancen trukah nang sepinggiring kali Lukulo sing sekiye dadi Kota Kebumen nang sewetane kali.

“Ramane, jere monge nang wilayah sing sekiye dadi Kabupaten Kebumen gemiyen ana pirang-pirang kadipaten cilik. Kelebu Kabupaten Ayah sing tau dipimpin dening Tumenggung Dipayuda IV sedurunge dadi Adipati nang Banjarnegara,” takone Tebok.

“Ko Bener Tebok nang wilayah kono gemiyene pancen ana kadipaten-kadipaten cilik. Kaya dene Kutawinangun, Karanganyar, Ayah, Panjer, lan Kebumen. Ningen nang pemerintah Hindia Belanda kadipaten-kadipaten cilik mau didadekaken siji dadi Kadipaten Kebumen. Kedadeyane angger inyong ora salah tahun 1936. Meh bareng karo digabunge Kabupaten Banyumas karo Kabupaten Purwokerto. Dadi Kabupaten Banyumas sing kota kadipatene nang Purwokerto,” terange Kaki bawor.

“Ramane, angger inyong kemutan maring Kebumen, inyong dadi kemutan maring wong  wadon sing dadi bupati nang wilayah Jawa Tengah. Yaiku ibu Rustriningsih sing njuran dadi Wakil Gubernur nang Jawa Tengah ya ramane. Mangkaning wektu semono, ibu Rustriningsih isih legan utawa isih gadis. Ningen sepak terjange jan maen pisan. Mulane njuran kepilih dadi bupati ping pindo,” Mbekayu Tebok crita.

“Ibu Rustriningsih kuwe pancen asli Kubumen kelairan sekang kota Gombong. Lulusan Universitas jendral Sudirman Purwokerto kuwe pancen pinter tur ketengen dening rakyat. Mulane depercaya dadi Wakil Gubernur ndhampingi Pak Bibit Waluyo. Ningen sing kudu dideleng sekang kebumen yakuwe. Daerah kiye dadi wilayah sing maju, wargane padha perek maring Gusti Allah. Mulane Kebumen uga ketelah dadi Kota Santri. Muga-muga baen daerah sing didegaken dening Pangeran Bumidirjo sing pancen santri, dadi kadipaten sing makmur aman lan sentosa,” ujare Kaki Bawor karo mesem. KLILAN

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)