SL 38 / 2017
Diposting oleh : Administrator
Kategori: Sing Lucu - Dibaca: 92 kali

Apa Kuwi

Gareng :      “Yen bolong siji bisa metu, yen bolong loro ora bisa metu, apa hayo?”

Bagong :      “Mbuh.”

Gareng :      “Umbel wong sisi.”

Bagong :      “Saiki aku. Sing dicokot mburi, sing entek malah sing ngarep. Apa hayo?”

Gareng :      “Kok aneh, apa kuwi?”

Bagong :      “Rokok.”

Gareng :      “Oo ya, ya. Yen dikethok malah dhuwur, yen disambung malah cendhak.”

Bagong :      “Apa kuwi?”

Gareng :      “Kathok dawa.”

Bagong  :      ???!!! (Kir: Begawan Cipto Adi)

 

G u r u

Gareng :      “Apa guru sing paling pinter matematika utawa etung?”

Bagong :      “Guru apa kuwi?”

Gareng :      “Guru olahraga.”

Bagong :      “Lha kok bisa?”

Gareng :      “Nek ngetung bisane mung siji tekan wolu, ‘satu dua tiga empat lima enam tujuh delapan’. Ya, ora?”

Bagong :      “Mbok kala-kala sembilan, ngono ya?”

Gareng :      “Kandhani kok. Ana maneh guru paling lalen, yen takon muride bolan-baleni nggon kono wae.”

Bagong :      “Guru apa kuwi?”

Gareng :      “Matematika.”

Bagong :      “Kok bisa?”

Gareng :      “Berapa X? Utawa  x = .....?” Padahal wingi ya wis takon. Lalen apa ora jenenge?”

Bagong            :           ???!!! (Kir: Begawan Cipto Adi)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…