Carane Nemokake Nomer HP Wong Liya sacara Online
Diposting oleh : Administrator
Kategori: Aiti - Dibaca: 15 kali

Tips iki dudu kanggo ‘nggarap’ wong liya, apamaneh nindakake bab-bab kang ana gandhengane karo kriminal. Tujuan aweh tips iki yakuwi kanggo mbantu kita jroning ngawekani sawenehing situasi tinamtu.

Tips iki ora liya yakuwi carane ne­mok­ake nomer HP-ne wong liya sacara online. Bab iki penting banget nalika kita lagi ngadhepi sawenehing situasi ‘daru­rat’. Upamane nalika kelangan nomer HP kanca bisnis penting akibat ora sengaja kebusak, salah nglebokake nomer HP kan­ca kang wis suwe banget ora ketemu, utawa isin njaluk nomer HP cewek kang mentas wae kenalan ing mall. Ora perlu khawatir, kita duwe sawenehing solusi kanggo kanca-kanca. Nanging saduru­nge nyemak carane, kita elikake sepisan maneh supaya tips iki aja digunakake kanggo bab-bab kang ora genah ya.

 

Mangkene ing antarane carane:

1. Gunakna Mesin Pencari (Goog­ling)

Kita butuh mesin pencari (mayoritas wong migunakake Google). Kita klebu wong kang nggoleki apa wae kanthi cara googling, kan? Kanggo nggoleki nomer HP-ne wong liya, mula langkah pertama kang paling gampang yakuwi kanthi nggoleki ing Google.

Lebokna informasi apa wae kang mbok ngerteni ngenani wong kang pe­ngin mbok temokake nomer HP-ne. Kita bisa nglebokake nama lengkap, sekolah/kampus, kantor engga domisiline wong mau. Banjur jelajahi maneka website kang kira-kira bisa menehi informasi sa­kupenge nomer HP-ne wong mau.

 

2. Jelajahi Media Sosial

Ora nemokake kang kita goleki ing mesin pen­cari? Aja kesusu nyerah merga cara kang kapindho iki luwih gedhe ke­mung­kinane bisa sukses. Langkah sa­ban­jure yakuwi kita kudu nggoleki lan njelajahi ing media so­sial.

Dinane iki akeh banget media sosial wiwit saka kang sifate profesional (upa­­mane LinkedIn) nganti kang sifate informal (meh kabeh media sosial kayade­ne Facebook, Twitter, In­sta­gram, lsp). Jela­jahana maneka media sosial kang ana kuwi, banjur golekana jeneng utawa in­for­masi li­ya ngenani wong kang no­mer HP-ne pengin kita temokake. Cara iki lu­wih gedhe peluange bisa sukses merga akeh media sosial kang ngijini ‘peng­guna’-ne masang nomer HP ing profil-e.



 3. Ngendelake Aplikasi

Yen cara kapisan lan kapindho durung uga nemokake asil, mula kita saranake amrih golek lan nggunakake aplikasi. Sa­ka ewonan aplikasi kang ana, apa kuwi ing Play Store lan App Store, ana sawe­nehing kang bisa kita gunakake kanggo nemokake nomer HP-ne wong.

Salah sijine yakuwi aplikasi True­caller. Aplikasi iki duwe fitur kang bisa mbantu kita nemokake nomer HP-ne wong liya. Lumantar fitur pencariane, kita bisa langsung nglebokake jenenge wong mau lan otomatis aplikasi bakal munculake profil wong-wong kanthi je­neng ksb sak nomer HP-ne pisan. Emane, kita bisa nemokake nomer HP-ne yen wong mau uga nggunakake aplikasi True­caller utawa aplikasi liya kang kita gunakake. 



Mangkono mau sawenehing cara kanggo nemokake nomer HP sacara online. Sepisan maneh kita elikake amrih aja nganti migunakake tips iki kanggo bab-bab kang negatif, nanging kanggo situasi-situasi darurat wae kaya kang kita sebutake ing ndhuwur ya.

Wasana sugeng nyoba. (d/ist)***

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)