Baby Shima kang Seneng Mangan Ati
Diposting oleh : Administrator
Kategori: Anyar Katon - Dibaca: 43 kali

Jeneng Baby Shima mbokmenawa isih rada asing ing industri musik Indonesia. Mangka, figur cewek ayu klairan 20 September1992 iki cukup hits ing negara tangga kita, Malaysia. Shi­ma, undangan akrabe, wis nduweni 3 single mawa genre pop dance: “Tak Sa­bar”, “Nombor 2”, lan “Lelaki Lama”. Sa­ikine, lumantar bantuan label Nagas­wara, Ratu Smule saka Malaysia iki nya­takake serius pengin niti karier ing Indo­nesia.

Sing unik, Baby Shima wani metu saka ‘zona nyaman’-e ing jalur pop dance. Dhimen ngeksplor skill musike, wanita kang duwe jeneng lengkap Nor Ashima Ramli iku nyoba ambyur ing gen­re DanceDhut. Sawijining single kanthi judhul “Makan Hati” uga diluncurake. Piye carane Shima adaptasi lan ngliwati ma­salahe ing cengkok dhangdhut?

Ora ana sing angel nalika wong duwe semangat belajar terus. Nalika take vokal ing studio Nagaswara, pranyata Baby Shi­ma ora ngalami masalah. Malah dhe­weke bisa nyanyekake lagu mau kanthi lancar lan malah rampung jroning wektu singkat. Mesthi wae iki ora uwal saka ca­we-cawene Yogi Gaijin, guide se­ka­ligus sing nyiptakake lagu “Ma­kan Hati” kang tlaten nuntun ce­wek klairan Johor Bahru iku sa­suwene proses rekaman.

Lagu mawa irama Dance Dhut iki dhe­we nyritakake bab pasangan kang tan­sah ngapusi lan pinter sandiwara. Mang­ka ing suwalike sikap manise mau, pra­nyata dheweke wani selingkuh karo wong liya. Fans die hard Baby Shima dhewe ing Malaysia padha seneng idolane ksb napak karier musike ing Indonesia.

 

Meh Nggabung Cherrybelle

Prestasi karier pa­wongan pancen ora ana sing tau bisa mbadhe arahe. Klebu Baby Shima kang kabare tau dirayu kanggo dadi member girl band Cherry­belle. “Iku wis suwe banget lah. Iya biyen tau dijemput (dijaluk, red) mlebu Cher­ry­belle,” ujare rada isin marang mediawarga.com.

“Aku kan ana ing Malaysia, Cherry­belle iku kan ana ing Indonesia. Adoh. Ora bakal bisa saben dina latihan. Sebab, Cherrybelle iki rak group. Mes­thine akeh latihan,” jlentrehe.

Bakat nyanyine Shima wis diasah sa­jege umur 12 taun. Ing Malaysia, dhe­weke tau nggondhol penghargaan kaya­dene “The Winner of Mangga Star Search” taun 2009, “The Winner of Bintang Idola Berita Harian” taun 2010, lan “The Winner of KPOPNya Raya (ASTRO Ria)” taun 2014. Dudu mung pinter ngolah suara, Shima pranyata uga pinter akting. Dheweke tau mbin­tangi sinetron “Ayam Ribut Syawal” (2014) ing salah sijine teve swasta ing Malaysia.

 

Mangan Ati

Nggabung ing sawijining label ge­dhe kayadene Nagaswara, dadi ke­banggaan dhewe kanggo cewek kang duwe followers Instagram  126 ewu iki. Baby Shima uga wani nglawan arus kanthi ambyur ing genre DanceDhut. Saikine, dheweke wis resmi ngetokake single kanthi judhul “Makan Hati”. Banjur ana hubungan apa ya dheweke karo Andrigo?

Nah.. kanthi ora sengaja Shima ke­na­lan karo penyanyi solo Nagaswara iku liwat sawijining aplikasi karaoke online. Tali silaturahmi terus dianakake. Andrigo kang banjur duwe jasa ngenalake Shima marang Pak Rahayu Kertawiguna. Nde­leng potensi cihuy kang diduweni Shima, CEO Nagaswara iku uga gilig kekarepane kanggo ngorbitake lan nandhatangani kontrak Shima dadi penyanyi solo. Shima uga oleh dukungan saka masyarakat Malaysia.

Lumantar single “Makan Hati”, sa­habat Faank Wali iki ngajab bisa ditampa ing atine kabeh pecinta musik Indonesia. (d/ist)***

 

Berita Terkait

Samak Minggu Ini

img

img

Sumber Semangat

Lumakune wektu luwih cepet katimbang mlakune mega. Sing sapa kang wektune mung kanggo ngabekti lan ngibadah mring Gusti Allah, mula iku wektu lan umure kang satemene …

Klik

LUKISAN ING WULU

Wulu pranyata bisa dadi salah sijine media lukis kang eksotik banget. Nanging mung wong-wong tinamtu wae kang bisa nindakake, yakuwi wong kang telaten lan sabar jalaran lukisan edipeni iki ora gampang ditindakake sarta butuh ketelitian kang dhuwur banget. (d/ist)

Pethilan

Kanggo Asian Games, Indonesia kekurangan jaran level internasional

Sing akeh pancen kambing hi­tam…

Setya Novanto dianggep nuduhake tumindak kurang becik

Paribasan ngandhakake; tinggal glanggang colong playu!

Setya Novanto wusanane mlebu tahanan KPK

Ngenteni lelakon sabanjure