Ngrumat Kulit Nganggo Jamu
Diposting oleh : Administrator
Kategori: Anyar Katon - Dibaca: 191 kali

Prodhuk perawatan kecantikan nganggo bahan herbal utawa jamu saiki lagi dikaremi lan dadi kemajuwaning masyarakat. Malah, ing Amerika, skin care mawa bahan racikan jamu pranyata uga dikaremi

Metta Murdaya, founder saka Juara Skin Care ngandhakake yen Indonesia iku nduweni kasugihan alam arupa tanduran herbal sing gedhe gunane mungguhing salira, malah mungguhing kulit. “Kandhutan herbal ing produk kecantikan gedhe mupangate mungguhing kulit, kejaba iku uga aman ing kulit sing sensitif,” kandhane Metta ing Senayan City, dhek sawatara wektu ke­pungkur.

Metta ngandhakake, bahan-bahan her­bal Indonesia, kayadene kunir, kopi sumatera, kemiri, cengkeh, asem jawa, jae, lan jamu-jamuan liyane bisa diolah dadi skin care jalaran diproduksi lan di­bebenah klawan teknologi modern saka Amerika Serikat. “Produk skin care mawa bahan jamu kanggo kulit pasuryan lan salira akeh maceme, upamane pember­sih pasuryan sing digawe saka beras, masker bahane saka kunir, lan pelembap kang ngandhut jae,” ujare wanita lulusan Master of Business Administration, New York University iki.

Manut Nurheti Yuliarti, pawongan her­balist ing bukune Sehat, Cantik, Bugar dengan Herbal dan Obat Tradisional, tan­duran herbal sing kulinane digunakake kanggo gawe ayune kulit salah sijine yaiku kunir. Kunir ngandhut kandhutan sing akeh manfaate, kayadene vitamin C sing bisa gawe lembut lan putihe kulit. Sali­yane kunir, bahan herbal asli Indonesia sing bisa dimanfaatake kanggo skin yaiku kopi sumatera. Manut Metta, kopi suma­tera bisa dimanfaatake dadi scrub kanggo nglembutake kulit. Scrub klawan bahan saka kopi sumatera laslasane ora sepira agal lan aroma kopine nyegrak banget.

Bareng karo mitra rakete telu, Yoshiko Roth-Hidalgo, Jill Sun, lan Tami Chuang, Metta manek-manekake anggone ne­pung­ake skin care klawan kandhutan her­bal asli Indonesia wiwit taun 2006 me­nyang pasaran Amerika Serikat.

Produk kecantikan mawa bahan her­bal asli Indonesia iki satemene uga wis cukup suwe ditepungake ing Indonesia dhewe dening Dr Martha Tilaar liwat brend Sariayu. Katrangan sing dicuplik saka Sariayu.com, Sariayu Martha Tilaar mujudake rerangkene produk perawatan kecantikan holistik (pepak lan ngabehi) saka njaba lan njero. Brand iki diilhami saka kearifan lokal lan kasugihane alam Indonesia, sarta diolah nganggo kawruh lan teknologi modern adhedhasar green science.

Temulawak. Jamu jinis iki becik di­unjuk kanggo tamba hepatitis (penyakit ati) jalaran nduweni efek hepatoprotektor, yaiku efek kanggo nyegah penyakit ati. Temulawak uga bisa dimanfaatake kang­go ngedhunake kolesterol apadene ngi­langake pegel linu.

Kunci suruh. Bahan baku jamu iki slaras karo jenenge, yaiku rimpang kunci lan godhong suruh. Padatane ditambahi woh asem. Jamu kunci suruh dimanfa­atake dening wanita, utamane ibu-ibu kanggo nambani keputihan.

Beras Kencur. Jamu iki digawe saka beras lan kencur. Manfaate saliyane kang­go nyegerake badan, kandhutan sing ana ing njerone nyawiji kang mupangati, kaya­dene minyak atsiri kang pigunane kanggo analgesik (nyuda rasa lara) utawa nyeri, ngilangake kesel, lan pegel-pegel.

Kunir asem. Bahan kunir lan asem Ja­wa digodhog nganggo takeran sing pas, kasiyate kejaba kanggo nyegerake badan, uga dipercaya bisa nyuda nyeri nggarap­sari lan nyeri weteng liyane. (KS)

 

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…