Mahargya Ambal Warsane Panjebar Semangat Ka-84
Diposting oleh : Administrator
Kategori: Anyar Katon - Dibaca: 63 kali

Pameran Lukisan lan Sambung Rasa

Taun iki, kalawarti Panjebar Semangat genep umur 84 taun. Mula PS ada-ada nganakake open house, ancase kanggo sambung rasa antarane PS lan masyarakat. Kagelar rong dina nutug, PS ngaturi rawuh saperangan mitra sing sasuwene iki dadi narasumber, pandhemen, panyengkuyung, uga sing padha dadi sponsor nalika PS nggawe acara. Kejaba sapatemon klayan Pemimpin Perusahaan lan karyawan PS, jroning open house para tamu uga bisa nikmati lukisan lan karya senine Jonson Artono.

Ing edhisi iki kapacak saperangan tamu sing nglegakake rawuh ing kantor redhaksi PS, Surabaya. Panjebar Semangat ngaturake gunging panuwun awit rawuhe para tamu. Sambung rasa kasebut muga-muga bisa maujud dadi srana ngrembakane kalawarti sing kita tresnani iki. Saengga bisa tansaya greget anggone nguri-uri basa lan budaya Jawa, uga asung piguna kanggo masyarakat sadaya. n


Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…