Nuju Asian Games, 140 Atlet Melu AIMAG
Diposting oleh : Administrator
Kategori: Olahraga - Dibaca: 26 kali

Indonesia mbudhalake 140 atlet saperlu melu Asian Indoor and Martial Art (AIMAG) ing Ashganat, Turmenistan, 17-27 September 2017. Ajang ksb uga bakal digunakake dening atlet Indonesia kanggo persiapan nuju Asian Games 2018.

Menteri Pemuda lan Olahraga, Imam Nahrawi, sarta Ketua Umum KOI, Erick Thohir, nguntapake kanthi resmi budhale atlet kang bakal tandhing mau ing Wisma Kementerian Pemuda dan Olahraga (Kemenpora), Senin kepungkur (11 September 2017).

“Iki mujudake pemanasan kanggo Asian Games 2018. Kabeh atlet kudu kita elokake ing multievent saengga nalika ing Asian Games mengko wis padha trampil” tambahe.

Indonesia bakal melu 12 cabang olahraga saka 21 kang ditandhingake. 13 cabang mau yakuwi, 3x3 basket, gulat tradisional, gulat belt, gulat, boling, catur, tenis indoor, jujitsu, kurash, sambo, taekwondo, trek cycling lan angkat besi.

“Dak kira para atlet kudu berjuang kanthi mati-matian. Apa wae asile dadi sangu kanggo mapag Asian Games” jelase Imam.

Sauntara iku, Erick Thohir ngajab, para atlet kang budhal menyang AIMAG bisa aweh prestasi kang paling apik. “KOI ngajab iki mujudake bagian saka persiapan nuju Asian Games. Kita mesthi wae ngajab kanthi anane SEA Games, AIMAG, akeh atlet kang tandhing ing Asian Games bisa oleh pengalaman paling apik” ujare Erick.

“Aku yakin kanthi akehe uji coba bakal saya apik, apa wae kejuaraane. Sebab, yen ngajab training camp tanpa pertandingan ora bakal seru” sambunge.

Welinge Umar Syarief

Sauntara kuwi , asil ala SEA Games 2017 Kuala Lumpur lan sadabrek masalah klasik kang terus muncul ndadekake Umar Syarief melu omong. Mantan karateka nasional iki ngajab amrih atlet aja gampang kalah dening kahanan.

Dhuwit sangu kang telat, akomodasi kang ana masalah, peralatan latih tandhing kang uga telat, sarta uji coba kang ora cocok rencana ngrenggani persiapan Indonesia menyang SEA Games 2017. Situasi iku ora oleh maneh muncul yen ngajab prestasi Indonesia bali apik. Ing babagan liya, Umar ngajab amrih atlet uga aja ndadekake situasi saya ruwet kanthi sesambat masalah-masalah nonteknis.

“Malah, ndeleng saka atlete aku uga sedih. Aku pengin ngerti skill lan mentale. Apa para atlet kuwi pantes disebut atlet nasional? Sistem lan pola kang diwenehake wis apik banget” ujare Umar mentas iki.

“Yen mung fokus marang prestasi lan demi Merah Putih wae, aku yakin kita mampu dadi sawijining pembunuh ing ndhuwur arena pertandingan. Nanging, yen wis mikirake dhuwit kanthi ngomong dhuwit sanguku endi, dhuwit vitaminku endi, bonusku pira, ya prestasi olahraga kita bakal ngene terus” ujare.

“Atlet kudu ngowahi mindset-e. Penanganan olahraga ing Indonesia wis apik banget. Atlet turu ing camp kanthi nginep ing hotel, oleh mangan, vitamin, dhuwit sangu, lan ana bonus. Coba delengen atlet luar negeri, ora kabeh oleh sangu, bonus, kudu golek sponsor dhewe, menyang turnamen uga ragad dhewe, nanging bisa ngukir prestasi dunia. Sebab, atlet-atlet mau nresnani pegaweyane” tambahe Umar.

Mula kuwi Umar ngajab amrih atlet kang tau oleh medhali Olimpiade bisa dadi conto kanggo atlet kanthi level ing gisore. Dudu nyerah marang ‘keteledorane’ Kemenpora.

“Sing ndadekake aku saya sedih, ana atlet kang levele wis Olimpiade, banjur kalah ing SEA Games. Dheweke malah nyalahake pemerintah merga dhuwit sangune telat, dhuwit vitamin telat. Levele dheweke wis Olimpiade lho lan dheweke oleh bonus Olimpiade saka pemerintah ora sithik, mosok kalah ing SEA Games isih nyalahna pemerintah merga vitamine telat” panutupe Umar. (d/ist)

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)