Sarwa - ER
Diposting oleh : Administrator
Kategori: Sing Lucu - Dibaca: 87 kali

Sarwa - ER

Gareng :      “Istilah modern saiki akeh-akehe dipungkasi nganggo tembung ‘er’ ”.

Bagong :      “Contone?”

Gareng :      “Kanggo nggaringake rambut?!!”

Bagong :      “Hair draiyer.”

Gareng :      “Kanggo ngliwet?!!”

Bagong :      “Rice cooker.”

Gareng :      “Kanggo nguleg sambel lan gawe es jus??!!”

Bagong  :      “Blender.”

Gareng :      “Kanggo mepe klambi?”

Bagong :      “Hanger.”

Gareng :      “Weruh pupu kuning?”

Bagong :      “Klenger.”

Gareng :      “Ngundang pitik?”

Bagong :      “Ker... ker... ker!!!” (Kir: Begawan Cipto Adi)

 

Matematika

Guru   :        “5 x 5 ana pira muridku?”

Murid :        “Wonten25, pak guru.”

Guru   :        “Iku cocog, karo batinku. 4 x 4 + 4, ana pira muridku?”

Murid :        “Wonten 20, pak guru.”

Guru   :        “Iku cocog karo batinku. Saiki angel, 7 x 18 : 13 - 9 tambah maneh, ana pira muridku?”

Murid :        “Kula mboten ngertos, pak guru.”

Guru   :        “Iku cocog, karo batinku.”

Murid :        ???!!! (Kir: Begawan Cipto Adi)

 

Jarwa Dhosok

Gareng :       “Jarwa dhosoke kebo?”

Bagong         : “Kebangeten bodhone.”

Gareng :       “Lha yen wedhus?”

Bagong         :        “Wedi adus.”

Gareng :       “Saiki, lembu, apa hayo?”

Bagong         :        “Daleme mambu. Saiki ganti aku. Belo apa hayo?”

Gareng :       “Lambene nggedabel matane mlolo.”

Bagong         :        “Kuda, apa hayo?”

Gareng :       “Apa ya?”

Bagong            :           “Yen mlaku wuda. Ora ana ta, jaran kok kathokan. Senajan wis dadi bapak isih kowar-kawer, ora duwe isin.” (Kir: Begawan Cipto Adi)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…