10 Fitur Rahasia kang Ana ing Smartphonemu
Diposting oleh : Administrator
Kategori: Aiti - Dibaca: 17 kali

Mbacutake artikel sing wis kamuat minggu kepungkur, yuk kita dhudhah ma­neh fitur-fitur rahasia liyane kang ana ing Smartphonemu yuk.

 

6. Developer Menu

Kanggone kanca-kanca kang seneng nguthak-athik smartphone, sajake ku­rang teliti yen durung mangerteni fitur sing siji iki. Kita bisa dadi sawijining developer lo kanggo smartphone-mu dhe­we yen bisa nemokake lan ngaktifake fitur rahasia iki. Ya, fitur iki nyedhiyani menu kanggo dadi developer ing smart­phone.

Carane ngaktifake cukup gampang uga, yaiku kanthi cara menyang menu “Settings” > Pilih “About the phone” > Klik kaping 7 terus-terusan ing opsi “Model number”.



 

7. Sinar UV

Sinar UV nduweni fungsi akeh, klebu kanggo ndeleng keasliane dhuwit. Na­nging kanggo nduweni fitur iki ing smart­phone, kita kudu lila nggawe dhewe. Pas kaya kang katon ing gambar, kita cukup nempelake selotip menyang lampu flash, banjur menehi warna nganggo spidol warna ungu. Mula kita bisa ngasilake sinar UV saka smartphone kita. 



 

8. Water Level

Mbokmenawa katone sederhana, nanging kanthi migunakake aplikasi kaya Bubble Level Pro utawa sajinise, kita bisa ndadekake smartphone kita sawiji­ning alat pengukur tingkat kedataran ben­da utawa bangunan. Ya water level kuwi jenenge. Bab iki mesthi wae bisa mbantu nalikane kanthi ndadak mbutuh­ake pas jroning situasi ora ana water level utawa alat sajinise. Instal wae ing google play, jenenge: Bubble Level Pro.


 

9. Statistik Penting lan Menarik

Ora arang kita nampa komplain saka keluarga utawa kerabat merga kerepe migunakake smartphone nganti suwe. Mbokmenawa kita ora ngrumangsani, nanging bab iku pranyata bisa dibuktek­ake kanthi statistik. Statistik ksb bisa kita pasang kanthi migunakake aplikasi kaya­dene Instant. Aplikasi iki bisa nuduhake data menarik bab panganggone smart­phone pribadi kita.

Ora usah wedi, yen sawise ndeleng data mau kabukten kita klebu ing golo­-ngan wong kang kecanduan smart­phone, kita bisa ngawekani kanthi migu­nakake sawenehing aplikasi.

Instal wae saka google play: Instant 



 

10. Menu Hitam-Putih utawa Monokrom

Dudu mung saderma ngowahi layar smartphone kang sadurunge berwarna dadi hitam-putih, fitur rahasia iki nyatane nduweni manfaat luwih. Saliyane ngirit baterei smartphone, fitur dark mode iki bisa ndadekake mata luwih rileks lan ora marai kesel senajan suwe ndeleng smart­phone.

Mangkono mau kanca-kanca sepuluh fitur rahasia smartphone kang perlu kita ngerteni. Pesthekna kita manfaatake smart­phone kang kita duweni kanthi mak­simal supaya dhuwit kang kita blan­jakake kanggo tuku smartphone mau ora sia-sia. Sumangga (d/ist)***

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)