Totog payudara Bisa Bali Kenceng Maneh
Diposting oleh : Administrator
Kategori: Kasarasan - Dibaca: 26 kali

Mungguhing wanita, perawatan payudara iku wigati. Kesehatan payudara dadi kang utama lan ora mung ukurane utawa wujude.


Pemeriksaan payudara kanthi ajeg kudu ditindakake dening para wanita supaya weruh yen ana sing ora normal. Sanajan kerep ora digatek-ake, papriksan dini prasaja iku wigati di-tindakake.

Sing duwe Herbs Spa, Syukriya Alka­tiri nerangake, meh saranduning badan, klebu ing laladan payudara, ana titik lim­patik. Titik limpatik iki gunane wigati kang­go imunitas lan detoksikasi badan.

“Supaya titik limpatik iki tetep aktif lan normal, mula ana sawatara faktor sing kudu ditindakake, kayadene kanthi ajeg nindakake olahraga lan njaga pola makan sehat. Emane, merga ibut nyam­butgawe, uwong wiwit arang olahraga. Akehe panganggone zat pengawet, lan pewarna marang panganan, uga me­ngaruhi aktife titik limpatik,” jlentrehe.

Ing payudara sethithike ana nem titik limpatik sing perlu tansah diaktifake lan normal. Kanggo njaga supaya titik iki tetep aktif, ana cara kang ndayani liwat totog payudara.

Klawan cara iki, nem titik ing payu­dara iku dipenet kanthi tumata, mesisan dipijet sekabehing laladan payudara sa­engga peredaran darah saya lancar.

“Akeh manfaat kang ditampa saka totog payudara iki. Kejaba bisa ngen­cengake payudara, totog iki uga bisa dadi papriksan dini marang pemeriksaan payudara,” ujare.

Ora kabeh wanita bisa nikmati pera­watan payudara iki. Ibu ngandhut, ibu nusoni, lan dheweke sing lagi nggarap­sari ora oleh nindakake totog payudara merga mengaruhi marang prodhuksi hor­mon kawanitan.

“Perawatan iki cocog kanggo wanita umur 30 taun mendhuwur. Supaya payu­darane tetep kenceng becike sesasi se­pisan dirawat,” kandhane.

Perawatan payudara mbutuhake wek­tu udakara sajam. Kabeh kang kudu ditin­dakake marang payudara kudu alus-alusan. Payudara diwenehi krim kanggo ngresiki lan nyegerake kulit. Sawise iku dipijet lon-lonan nganggo gerakan mu­beng. Proses iki tujuwane kanggo nglan­carake ubenge getih.

Sawise payudara dipijet, sabanjure mlebu ing tumindak utama, yaiku totog. Keneneme titik limpatik dipenet nganggo driji telu kanthi teratur. Proses totog iki mbutuhake wektu 10 menit.

Ing tataran pungkasan, payudara ditutup kain kassa. Sawise iku, diolesi masker. Sawise masker iku garing, kassa diangkat. Masker bakal ngencengake kulit  payudara. (Jp)

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)