Tanpa Rossi, Balapan Krasa Sepi
Diposting oleh : Administrator
Kategori: Olahraga - Dibaca: 31 kali

Sawijining insiden bali dialami dening pembalap kondhang MotoGP, yakuwi Valentino Rossi. Pembalap asal Itali ksb ngalami kaci­lakan hebat nalika latihan motorcross ing dina Kemis sore kepungkur.

Akibat kacilakan mau, Rossi lang­sung diplayokake menyang rumah sa­kit. Dikabarake Rossi ngalami patah tulang dikantheni dislokasi ing fibula lan tibia sikil tengene.

Dhimen marasake tatune mau, Rossi kudu nindakake operasi, kang jelas wae kahanan iki ndadekake para sutresnane Rossi rumangsa kuwatir. Tujune, operasi kang ditindakake Rossi mau lumaku kanthi lancar.

Nanging senajan operasine mulus, Rossi kepeksa tetep absen balapan mer­ga kudu ngaso kanggo mulihake larane mau. Rossi dipesthekake bakal absen paling ora nganti 30 engga 40 dina mengarep. Saengga dheweke bakal absen balapan ing Sirkuit Misano akhir pekan iki.

Mangerteni kahanan ksb ndadekake manajer Tim Suzuki Ecstar, Davide Bri­vio, aweh tanggapane sawenehing wektu kepungkur. Manut Brivio, bala­pan ing MotoGP San Marino bakal krasa sepi tanpa anane Rossi.

“Dak ajab kan­thi absene Vale ing Misano kita bisa ketemu maneh ing Ara­gon. Kita kabeh nyengkuyung amrih enggal bali ing lintasan” ujare Brivio, kaya dilaporake GP One, Rebo ke­pungkur (6/9/2017).

“Ya, senajan kita kabeh iki la­wan, kita tetep mbutuhake pembalap ka­yadene Vale. Banget-banget eman, apamaneh prastawa iki kedadeyan pas sadurunge balapan ing Misano. Mang­ka kuwi mujudake omahe” imbuhe Brivio.

 

Marquez: Dak Ajab Enggal Pulih

Pembalap Tim Movistar Yamaha, Valentino Rossi, bakal minggir jroning rong seri balapan merga mentas nin­dakake operasi. Sadurunge, dheweke ngalami patah tulang tibia lan fibula ing sikil tengene saengga kudu nindakake rawat jalan kanggo marasake kondisi sikile. Akibat insiden iki, pembalap kan­thi julukan The Doctor iku diprediksi bakal absen suwene 30-40 dina.

Rossi bakal absen ing Grand Prix (GP) San Marino (10 September) lan Aragon (24 September). Mangka posisi pembalap umur 38 taun iki lagi mapan ing persaingan ketat ing papan klase­men sementara MotoGP 2017.

Dinane iki, Rossi ngenggoni posisi kapapat ing klasemen sementara Mo­toGP 2017 kanthi oleh 157 poin. Dhe­weke diprediksi bakal bali ngebut ing Sirkuit Motegi, Jepang, Minggu 15 Ok­tober 2017 mengko.

Mangerteni Rossi ngalami insiden ksb, Marc Marquez (Repsol Honda) aweh dhukungan lan donga. Dheweke uga ngajab pembalap negara Pitza iku enggal pulih lan bali tampil ing lintasan.

“Aku ndedonga muga-muga kowe (Rossi) pulih kanthi cepet” ujare Mar­quez, kaya dilaporake Marca, Minggu kepungkur (3/9/2017).

“Minangka atlet lan menungsa, aku ora tau ngajab dadi mungsuhe sapa wae. Dak ajab Valentino bisa waras sacepete” panutupe. (d)***

 

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)