Ngeprint File Foto lan Dokumen Langsung saka HP Android
Diposting oleh : Administrator
Kategori: Aiti - Dibaca: 98 kali

Nyetak utawa ngeprit mujudake kegiatan kang paling akeh ditindakake dening karyawan kantor utawa mahasiswa. Lan akeh-akehe wong padha nyetak dokumen lan foto/ gambar liwat Laptop utawa PC. Bab iki satemene rada ngrepotake merga kudu nguripake komputer, nggoleki dokumene, lan lagi bisa ngeprint dokumen mau.

Mangka satemene ana cara kang luwih cepet lan luwih praktis yakuwi kanthi migunakake smartphone Android. Smartphone Android pancen ora mung digunakake kanggo alat komunikasi wae, nanging bisa uga kita manfaatake kanggo mbantu ngrampungake gaweyan kita sedina-dina, utamane masalah nyetak file dokumen utawa foto. Lan akeh-akehe smartphone Android dhewe wis dikantheni fitur Cloud Print kang tegese bisa nyetak dokumen kanthi mung nyambungake menyang Printer. Cara iki cukup cepet lan cukup efisien jroning nindakake printing tanpa kabel lan tanpa nguripake komputer.

Nanging kanggone kang ora duwe fitur Cloud Print ing kalodhangan iki kita jlentrehake carane ngeprint dokumen saka Android kanthi gampang lan cepet yakuwi kanthi migunakake aplikasi liya kang arane StarPrint. Kaya ngapa langkah – langkahe? Mangkene ing antarane.

 

Aplikasi Gratis

StarPrint yakuwi aplikasi printing gratis kanggo smartphone lan tablet android. Aplikasi iki bisa nyetak sawenehing jenis file umum kayadene dokumen, text, csv, PDF, PS, rtf, Ms Office, Open Office, file hiburan lan halaman website. Aplikasi iki bisa langsung digunakake tanpa perlu akses root.

Ana sawenehing pilihan kang bisa dicoba nalika nindakake printing iki, wiwit saka nganggo kabel USB, Bluetooth, lan Koneksi WiFi. Aplikasi iki uga wis nyengkuyung luwih saka 3000 model printer kang ana ing donya kaya HP, Canon, Epson, Brother, Samsung, Kodak, Dell, lan Lexmark. Mung emane, nalika nyetak dokumen nganggo aplikasi StarPrint iki muncul Watermark cilik ing saben dokumen mau. Dene langkah – langkah yakuwi:

1. Kawitan, undhuh lan pasang aplikasi StarPrint via Google Play Store.

2. Sambung Smartphone Android karo Printer nganggo kabel USB.

3. Bukak aplikasi StartPrint, banjur golekana dokumen, foto, utawa gambar kang arep dicetak. Sawise dipilih, langsung wae tap “Ok”.

4. Sabanjure, kita bakal mlebu menyang halaman Print Previews. Ing halaman preview iki kita bisa ngatur ukuran kertas lan liya-liyane. Coba wae discroll mengisor kanggo ngatur Copies pirang lembar kang pengin dicetak. Kanggo nambahi lan ngurangi bisa ditekan tombol (+) lan (–).

5. Yen wis, mula langsung wae tekan “Print” utawa pilih jenenge printer kang kita gunakake kanggo nyetak. Dienteni sedhela nganti proses nyetake sukses.

6. Rampung wis.

Kanthi nindakake langkah – langkah ing ndhuwur selaras karo pituduh kang ana mula proses nyetak mesthi bisa sukses. Kabeh dokumen mawa format Microsoft Office kayadene Word, Excel, PDF, Foto, utawa gambar bisa dicetak kanthi aplikasi StarPrint. Aplikasi StarPrint bisa digunakake kanggo kabeh piranti Android wiwit saka Samsung Galaxy, Oppo, Lenovo, Asus Zenfone, Xiaomi, Sony Experia, HTC, LG, Motorola, Smartfreen Andromax, Vivo, Advan, Acer, lan liyane.

Sumangga  (d)***

 

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?