Janjine Rugby Indonesia Ngarumake Jenenge Bangsa
Diposting oleh : Administrator
Kategori: Olahraga - Dibaca: 18 kali

Persatuan Rugby Union Indonesia (PRUI) janji bakal melu ngarumake jenenge bangsa ing kancah internasional. PRUI nargetake bisa mlebu tiga besar ing SEA Games 2017 Kuala Lumpur iki.

PRUI kepengurusan 2017-2021 di­pimpin dening Didik Mukrianto. PRUI wis ngenam kerja sama karo Fiji, klebu ne­kakake pelatih kanggo tim nasional putri.

“Komitmen iki mengarep kudu kita wu­judake liwat prestasi. Muga-muga te­naga lan pikiran kang kita suntak bisa majokake olahraga kang anyar iki ing In­donesia” ujare Didik.

Saliyane SEA Games 2017 Kuala Lum­pur, PRUI wis siap ngramekake Asian Games 2018 Jakarta-Palembang. PRUI dhewe bakal nggelar Kejuaraan Nasional sasi Oktober mengko. Tujuane ora liya kanggo njaring bibit-bibit potensial. Lan proses kang dilakoni bakal ditindakake kanthi sistem transparan lan objektif.

Keseriusan PRUI uga oleh sambutan saka pemerintah. Mengkone PRUI bisa nggunakake Lapangan D Gelora Bung Karno, Senayan, Jakarta kanggo latihan.

“Lapangan D Senayan disiapake kang­go rugby. Kita ngajab, bisa tandhing ing kana (Asian Games 2018)” tuture ma­najer Timnas rugbi putra, Tito Vau.

 

Biliar Siap Tempur ing SEA Games 2017

Sauntara kuwi, minimal medhali emas siji ditarget dening tim nasional Bi­liar ing ajang SEA Games 2017 ing Kuala Lumpur, Malaysia iki.

Tim nasional biliar wis nindakake pemusatan latihan ing Mess, Pulo Asem, Jakarta Utara, wiwit awal taun 2017. Tim inti isi wong 10 uga wis dibentuk. Anggo­ta tim ksb yakuwi Arun, Gebby Adi Wiba­wa Putra, Irsal Afrin­neza Nasuti­on, Jaka Kurnia­wan, Jefry Zen, Marlando Sihom­bing, Muhammad Bewi Si­manjuntak, Yoni Rach­manto, Angelina Magda­lena Ticoalu, lan Silviana Lu.

Biliar dhewe da­di salah sijine andel-an­dele Indonesia jro­ning me­thik medhali emas. Ing SEA Games iki, biliar nan­dhingake pitung nomer yakuwi yakni snooker single, snooker doubles, english billiards single (100 points up), english billiards double, 9-ball pool singles men, 9- ball pool doubles, lan 9-ball pool singles women.

Sewelas dina ngarepake budhal, Ke­pala Pelatih Tim Nasional Biliar Robby Suarly ngaku tim-e jroning kondisi siap tem­pur. Persiapane kepara dikandhakake luwih apik dibandhingake kang uwis-uwis.

“Yen mbandhingake karo SEA Games 2015 satemene persiapan teknik lan non teknis kang kita tindakake dinane iki malah sing paling siap” ujare nalika dite­moni ing Mess, Pulo Asem, Jakarta Utara, durung suwe iki.

Ing SEA Games mengko, tim biliar Indonesia ditargetake bisa nggawa mulih paling ora medhali emas siji. Saka petu­ngane Robby, target iku kena diarani cukup realistis. “Kita ditarget emas siji. Kita uga ora wani muluk-muluk merga SEA Games 2015 kita jeblok mung oleh perunggu siji, sawise SEA Games 2013 Myanmar kita oleh emas loro, perak siji, perunggu siji. Ya etung-etungan kita muga-muga bisa oleh sing emas siji iku” panutupe. (d)***

Berita Terkait

Samak Minggu Ini

img

img

Sumber Semangat

Wong kang akeh ngucapake kabecikan iku “luwih becik” katimbang wong kang seneng mbisu.

Klik

BALAPAN WEDHUS

Sawijining bocah cilik lagi melu tandhing ing sawijining lomba balapan nunggang wedhus utawa mutton busting. Acara kaya ngene iki cukup populer jroning pawai Fourth of July parade ing kutha Vale, Oregon, AS. (d/ist)***

Pethilan

Mendikbud ngajab, bayare guru honorer ndang diwenehke

Iki sing jenenge menteri zaman now!

Mendikbud ngajab, bayare guru honorer ndang diwenehke

Iki sing jenenge menteri zaman now!

Panglima TNI ditulak mlebu AS

Mengko gek merga, titttt…. (sensor!)