Harganas 2017 ing Lampung
Diposting oleh : Administrator
Kategori: Anyar Katon - Dibaca: 25 kali

Puncak Peringatan Hari Keluarga Nasional ke XXIV  kang dirawuhi  Men­teri Koordinator Bidang Pembangunan Ma­nusia dan Kebudayaan Puan Maharani, ana ing kegiatan puncak acara dipa­srah­ake tandha penghargaan Satya Len­cana Pembangunan kang diweneh­ake lang­sung dening MENKO PMK, uga  penye­rah­an piala lomba Kesatuan Gerak PKK KB-Kes dening ketua umum TP- PKK Pusat, ana  lapangan PKOR Way Halim Bandar lampung.

Ana ing acara  puncak rawuh para  gu­­bernur, bupati walikota se Indonensia lan para pejabat Negara liyane. Ing antarane Gubernur Lampung Ridho Ficar­dho M.Si, ketua Umum TP PKK ibu Erni Gun­darti Tjahjo Kumolo, Kepala BKKBN Surya Chandra Surapati, Wakil Panglima TNI, KAPOLRI, Angggota DPR RI, kepala BKKBN se Indoensia klebu Kepala Perwakilan BKKBN Jatim Kushindarwito.

Ing sambutane Gubernur Lampung  Ridho Ficardho ngapresiasi anane acara kemah keluarga Indonesia. Panjene­ngane ngendika pancen kerep kerepe omah mujudake papan kanggo ngaso bebarengan nanging dudu papan kanggo ngumpul, kadhan kita arang ketemu merga kesibake dhewe-dhewe, mula be­­cik banget anane kegiatan kemah keluarga jalaran ing kono sakulawarga bisa kumpul lan gawe kegiatan beba­rengan. Ridho ngajap kegiatan kang lapi sepisanan iki dianakake ing rerangken dina keluarga, bisa diterusake ing pe­ngetan dina keluarga taun-taun bacute. Harganas ing lampung, acarane pancen ana kemah keluarga kang dibukak dening Gubernur Lampung telung dina saduru­nge puncak acara kang deloni watara rong atus keluarga.

Menko PMK Puan Maharani nalika aweh sambutan nelakake “Keluarga mu­judake papan sumber daya manusia ibu bapak ndhidhik anak-anake , kesehatan lair lan batin uga dimulai saka keluarga, anak-anak ing tengah kulawarga bakal nyonto apa kang ditindakake dening wong tuwane. Pembangunan kelurga tujuwane kanggo ngundhakake kuwa­litas keluarga supaya bisa tuwuh rasa aman, tentrem, lan pangarep-arep kang­­go masa depan kang luwih becik, jroning maujudake  kesejateraan lair lan batin, keluarga kang nduweni  kekuwat­an lan sejahtera yaiku keluarga kang tangguh  ing  sosial ekonomi lan budaya, sarta panguripan kang bisa mandiri  sejahtera dan bahagia.”

Sauntara iku, Kepala BKKBN Surya Chandra Surapaty nelakake, “Kita nga­jap  Hari Keluarga Nasional XXIV iki bisa didadekake pemersatu program kang dadi daya ungkit tumrap sinergitas an­tara BKKBN, Kementerian/Lembaga, Tim Penggerak PKK lan Pemerintah Daerah. Wujud nyata sakasinergitas kasebut an­tara liya kanthi mberdhayakake masya­rakat desa kanthi pelembagaan Kam­pung KB”, tegas Surya.

Untuk mengeti Harganas XXIV taun 2017 BKKBN nganakake maneka  kegi­atan kang dumadi saka kegiatan pra Har­ganas lan puncak Harganas. Ing pra Har­ganas dianakake kegiatan: sosialisasi ngenani  harganas marang  para sineas mudha, car free day ana ing sawetara  ko­ta, pencanangan logo Harganas, pe­nyerahan beasiswa, mudik bebarengan, bazar/ pasar murah, kegiatan pelayanan KB MKJP, IVA-test, lan papsmear, temu pengelola program Kependudukan, Keluarga Berencana dan Pembangunan Keluarga (KKBPK) tingkat nasional. Kanggo nutup  acara puncak hari keluar­ga nasional.  Puan Maharani, Gubernur Lampung, sarta para tamu undangan disuguhi tarian kolosal saka  pesisir barat yaitu sanggar tari Teluk Sabas pimpinan saka  ibu Septi Istiqlal saka  Pesisir Barat, jenenge  tarian iki yaiku  tari ngundhuh damar atawa ngundhuh pulute wit  da­mar, peserta tarian ini  jumlahe wong 90. (AT)

Berita Terkait

Samak Minggu Ini

img

img

Sumber Semangat

Saben wong nduweni kalodhangan kang padha kanggo ganti dadi luwih apik.

Klik

HAMAORI ALIAS LARUNG SESAJI

Kayadene ing tanah air, ing Jepang pranyata uga ana upacara larung sesaji yakuwi kang diarani Hamaori ing segara kidul Chigasaki, sakulone Tokyo. Upacara iki ajeg dianakake saben taun. (d/ist)***

Pethilan

Setya Novanto dadi ‘tersangka’

Sapinter-pintere ‘papa’ mlumpat….

Blangko e-KTP wis ana maneh

Gek-gek dikorupsi maneh??

PPP padha PPP-ne rebutan kantor

Eling jaman orba