McGregor Yakin Njlungupake Mayweather jroning Patang Rondhe
Diposting oleh : Administrator
Kategori: Anyar Katon - Dibaca: 43 kali

Floyd Mayweather tetep nganggo gaya khas-e kang seneng mamerake kesugihane nalika adu arep karo sapa wae, klebu karo Conor McGregor jroning jumpa pers mentas iki.

Kanggo kang sepisanan sadurunge munggah ring ing tanggal 26 Agustus mengko, Mayweather lan McGregor ketemu kanthi langsung. Kekarone ketemu ing acara konferensi pers ing Staples Center, Los Angeles, Amerika Serikat, Selasa kepungkur (11/7/2017), kang disekseni luwih saka wong 11 ewu.

Lan senajan konferensi pers ksb digelar ing AS, Mayweather kang dadi tuan rumah malah luwih akeh dicacad. Suwalike, McGregor akeh oleh keplok saka penonton. Nanging, kanggone Mayweather, popularitas ora penting banget.

“Popularitas ora ana gandhengane karo apa kang kita duweni ing rekening bank. Dheweke bisa luwih populer maneh,” ujare Mayweather.

“Aku tansah luwih milih kesugihan katimbang popula­ritas. Akeh wong ing media sosial kang duwe 20 yuta folower, nanging wong-wong iku mungkin ora duwe 20 ewu dolar ing bank,” ujare.

Mayweather uga ngece bab pengasilane McGregor saka kaping telu tarung ing arena Ultimate Fighting Championship (UFC). Manut petinju umur 40 taun iku, apa kang ditampa McGregor ing arena UFC mung sacuwil dibandhingake duweke.

Minangka bukti, ing jumpa pers mau Mayweather mamerake cek pengaji 100 yuta dolar AS (kira-kira Rp 1,3 triliun) kang diduweni minangka bayaran nalika lawan Manny Pacquiao sasi Mei 2015 kepungkur.

“Dheweke katon apik tarung (kanthi bayaran) pitung digit. Dheweke uga katon apik minangka sawijining petarung (kanthi bayaran) wolung digit. Nanging, aku mujudake petarung (kanthi bayaran) sangang digit,” imbuhe Mayweather.

“Wong iki oleh telung yuta dolar saka dhuel pungka­sane. Nanging, kita ngerti yen iku mujudake dhuwit kamp latihan kanggoku” kandhane Mayweather maneh.

Ora gelem kalah, McGregor banjur nanggepi aksi pamer cek iku kanthi cekak: “Wenehna iku menyang petugas pajek,” ujare, nyindhir marang masalah pajek kang lagi diadhepi Mayweather.

Mayweather dhewe ngaku ora pati khawatir karo masalah pajek kang nggubet dheweke merga para pengacarane wis padha ngurusi.

 

Patang Rondhe

Perang urat syaraf antarane Conor McGregor lan Floyd Mayweather pancen wis diwiwiti. Lan McGregor katon yakin banget bisa ngalahake Mayweather sarta rumangsa mung butuh patang rondhe kanggo nindakake bab kuwi.

McGregor mujudake salah sijine petarung paling top ing arena Ultimate Fighting Championship (UFC) kang mlebu ring tinju kanggo nantang Mayweather. Senajan dikenal be­ringas banget ing arena UFC, McGregor ora duwe penga­laman ing jagading tinju profesional. Mula kuwi, dheweke ora diunggulake nalika adhep-adhepan karo Mayweather kang tau nyekel sabuk juara ing limang kelas beda kuwi.

Nanging, McGregor katon percaya diri banget ing konferensi pers mau. Dheweke ora gigrik babar pisan nalika perang lok-lokan karo Mayweather.

“Ing tanggal 26 Agustus, wong iki bakal ora kelingan maneh. Dheweke cilik banget, dheweke ringkih banget,” ujare McGregor ngece Mayweather.

“Mayweather bakal semaput ing rondhe papat. Mayweather durung tau ngrasakake iki. Aku ora wedi karo dheweke. Iki mujudake sadhengah aturan kang ndadekake mung setengah pertarungan, mung seprapat,” ujare tukang gelut asal Republik Irlandia iku.

“iki dudu dhuel kang satemene. Yen iki dhuel kang temanan, iki bakal rampung kurang saka sak rondhe,” panutupe McGregor.

(d/ist)***

Berita Terkait

Samak Minggu Ini

img

img

Sumber Semangat

Nalika kita kesel lan gela, mula satemene nalika kuwi kita lagi sinau bab “kesabaran...”.

Klik

JAGO MOGE IBU WAWALI

Martha Catur Wurihandini, sisihane Wakil Wali Kota Depok Pradi Supriatna iki pranyata nduweni hobi kang cukup ekstrem. Yakuwi nin¬dakake freestyle nganggo motor gede Harley-Davidson. Aksi kang ngundang gawok ibu pejabat siji iki katon ing perayaan HUT Polwan ka 69, ing lapangan Polda Metro Jaya, mentas iki. Ya, saliyane minangka sisihane Wakil Wali Kota Depok, Martha pranyata sawijining perwira Polri kanthi pangkat Inspektur Satu. (d/ist)***

Pethilan

Rencana-rencana anggaran ASEAN Games kaco

Atlete ditarget oleh emas akeh!

Halimah Yacob, wanita lan mulsim pisanan dadi presiden Singgapur

Kabukten warung Padhang ana ing ngendi-endi …

Halimah Yacob, wanita lan mulsim pisanan dadi presiden Singgapur

Mangka ing Singgapur ora ana partai Islam