Neona, kang Tansah Nggemesake
Diposting oleh : Administrator
Kategori: Tetepungan Remaja - Dibaca: 319 kali

Nola Be3 duwe jurus ampuh kanggo nguripake maneh tren lagu anak ing industri musik Indonesia. Salah siji stra­tegine yaiku kanthi ngorbitake anake dhewe. Asile, luar biasa. Naura, putri mba­repe, oleh saabrek sukses lan methik sadheret awards liwat album ‘Langit yang Sama’. Sawise Naura terkenal, sa­ikine Nola ganti ngorbitake anake sing liyane, yaiku Neona.

Lagu kanthi judhul “Aduh Neik” wis ditokake Neona liwat limantar Trinity Optima Production.

Penyanyi cilik kang nduweni jeneng pepak Anodya Shula Neona Ayu iki nya­nyekake lagu mawa genre hip hop. Jroning video musike ksb, gadis imut iki tampil all out kayadne rapper cilik.

Manut Nola, tipe lagu iku cocok karo kapribadhene Neona kang tansah ceria lan percaya diri.

“Neona iku bocahe lucu, periang, lan percaya diri. Beda banget karo mbakyune kang kalem lan manis. Kadhang dhe­weke ora gelem kalah karo nbakyune. Yen krungu musik, mesthi joget. Dhe­weke bisa joget ing ngendi wae lan kapan wae. Biasane dheweke belajar nari liwat YouTube, banjur diolah dhe­we” ujare sang mama.

 

Nyanyi sajege umur 1,5 Taun

Sadurunge, Neona tau tampil nggemesake lan ngundang kawigatene wong akeh klawan tingkahe kang lucu ing konser tunggal mbakyune, Dongeng Musi­kal Naura ing tanggal 24-25 Oktober 2015 kepungkur.

Sajeke kuwi, Neona ban­jur wiwit dikenal ngakeh. Dheweke uga ngisi vokal ing lagu “Langit yang Sama” bebarengan karo mama lan mbakyune.

Idhe lagu “Aduh Neik” kainspirasi saka omongane kancane Nola. Dheweke duwe idhe ndadekake ba­han obrolan minangka single kanggo Neona.

Kanthi bantuan kancane, Meg­gy Awaloeddin lan Mhala Nu­mata, jroning nyempurnak­ake lirik ing lagu, banjur kacipta lagu “Aduh Neik” kanthi lirik kang lucu lan melodi kang khas gaya bocah-bocah.

“Dheweke iki rak bocahe se­neng ngetutake sapa wae. Sa­ben ana musik minus one kang tak puter ing omah, Neona nyoba nyelipake tembung-tembung ‘Apaan’, ‘Aduh Neik’, ‘Bete deh’, mer­ga dheweke ora bisa nerokake la­guku. Tak videoake lan nglebokake menyang social media, pranyata bocah-bocah liyane padha melu. Ya wis kita seriusi nggawe lagune” ceplose Nola.

Senajan anak-anake wis nge­tutake kiprahe minangka penyanyi, Nola ora gelem kegiatan nyanyine justru nyisihake pendidikane.

“Tumrap kita, pendidikane bo­cah-bocah nomer siji. Dina sekolah, sabisa-bisane ora oleh ana kegi­atan nyanyi. Bocah-bocah iki darah senine nurun saka eyange uga. Mamaku iku seneng ngajar musik, nyanyi, lan nari. Mbokmenawa iku kang ndadekake anak-anakku uga seneng nyanyi,” jlentrehe Nola kang keturunan Minangkabau iki.

Dinane iki, anane lagu-lagu bocah pancen dienteni banget. Mosok iya bo­cah-bocah nyanyine lagu cinta-cintaan. Bocah-bocah kan uga butuh lagu-lagu kang bisa dinyanyekake dening bocah, selaras karo umure, mangkono jlentrehe Nola.

Setuju? (d./ist)

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa