Gubernur Jawa Tengah Ngresmekake Gedhung SMPN 3 Purworejo
Diposting oleh : Administrator
Kategori: Laporan - Dibaca: 70 kali

SMPN 3 Purworejo kang dipimpin dening Bapak Drs. H Agus Wiwoho Suryo, MM pancen wis ora gumun maneh asring dirawuhi dening pejabat daerah utawa pejabat saka pusat. Amarga SMP N 3 Purworejo kang mapane ana ngarep kecamatan Kutoarjo kuwi pancen akeh prestasi kang diwujudake dening siswa utawa para guru. Mula saka iku sekolah kuwi asring kanggo rujukan utawa percontoan kanggone siswa utawa para guru kang kepengin maju tumrape pawiyatan. Mentas iki Gubernur Jawa Tengah Ganjar Pranowo, kepareng rawuh ana ing SMP N 3 Purworejo saperlu ngresmekake gedhung kang kanggo pertemuan kang diarani Gedung Ganjar Pranowo.

Gubernur Jawa Tengah Bapak Ganjar Pranowo kuwi, pancen mbiyen rikala sekolah ana SMP uga SMP N 3 Purworejo alias pak Ganjar alumni SMP NI Kutoarjo sing saiki dadi SMP N 3 Purworejo. Pak Ganjar kang asli Kutoarjo ya asring rawuh, menawa ngepasi kondur ana ing Kutoarjo. Mula saka iku rawuhe bapak Ganjar mau banget ditunggu-tunggu lan dienteni dening siswa utawa para guru kang isih padha ngasta ana ing kono. Amrih maringi wejangan uga semangat dening siswa kareben bisa maju temen anggone ngangsu ilmu ana ing SMP 3 iku.

Rawuhe bapak Gubernur Jawa Tengah, ing SMP N 3 Purworejo ndadekake semangat sinau siswa, ora gampang nglokro. Supaya bisa njala langit kang sak dhuwur dhuwure, bisa mikul dhuwur mendhem jero. Marang Agama, Bangsa, Negara, keluarga ugi alumni, kaya kang ditindakake dening Gubernur Jawa Tengah menika.

(Aris Irianti)

 

Berita Terkait

Samak Minggu Ini

img

img

Sumber Semangat

Akeh wong kang nindakake bab kang padha ing nalikane kowe ora. Kuwi ora ateges kowe salah.

Klik

GROJOGAN PEDHUT-

Yen grojogan umume sing mili yakuwi banyu, nanging grojogan ing Islandia iki sing mili pedhut. Pedhut ksb mbentuk pola kaya banyu kang nggrojog saka gunung menyang segara. Pranyata uga ana suwarane banyu gembrojog ing segara mau, saengga kaya banyu kang nggrojok temenan ing laut. (d/ist)***

Pethilan

Nangkis hoaks, publik perlu ndhi-sikake rasionalitas

Benci nganti tekan unyeng-unyeng kuwi mutawatiri

DPR ora kesusu ngrembug RUU HP

Ora kaya RUU MD3 ya?

Partai Demokrat njaluk syarat kanggo nyengkuyung Jokowi

Ora ana mangan awan gratis pancen…