Daud Jordan Siap Dadi Juara Dunia
Diposting oleh : Administrator
Kategori: Anyar Katon - Dibaca: 56 kali

Petinju Daud Yordan siap dhuel jroning rebutan predikat juara dunia, sawise ing pertandingan non-gelar ing OCBC Arena, Singgapur, Sabtu kepungkur (25/3) dheweke menang TKO ing ronde kaloro saka petinju asal Thailand Campee Phayom.

Asil iki diapresiasi banget dening promotor saka Mahkota Promotion Raja Sapta Oktohari, ngelingi pertandingan ksb penting kanggo mangsa tembene petinju kelas ringan (61,2 kg) asal Kayong Utara, Kalimantan Barat kuwi.

“Kita wis nglaporake asil tarung iki marang partner kita ing Amerika Serikat, lan kita pancen wis nyiapake dhuel kanggo gelar juara dunia tumrape Daud. Nanging, dinane iki kita durung bisa mbeberake detaile” ujare Raja Sapta Oktohari lumantar keterangan tertulis ing Jakarta, Minggu mentas iki (26/3).

Priya kang akrab diundang Okto iku mung ngandhakake, yen pertandingan rebutan gelar juara dunia mengko kemungkinan ora digelar ing Indonesia.

Bab iki ora liya merga salah sijine posisi petinju kang akrab diundangl Cino iku minangka sawijining penantang. Sadurunge tandhing lawan Campee Phayom, Daud Yordan mapan ing peringkat loro kelas ringan WBA lan peringkat sanga kanggo WBO. Dene kanggo WBC, Cino ana ing sanjabane 15 besar. Mung wae, kanthi kemenangan ksb kalodhangane dadi owah-owahan peringkat.

Ing pertarungan antarane Daud Yordan lawan Campee Phayom mau bisa lumaku kanthi cepet. Cino mung butuh rong rondhe kanggo mungkasi panantange petinju umur 19 taun asal Negera Gajah Putih iku. Bab iki cocok karo pangarep-arepe.

“Wiwit mula aku wis nyoba nindakake kabeh instruksine pelatih (Craig Christian) supaya tarung kanthi disiplin, lan iku kabukten kasil. Muga-muga iki dadi tandha bangkite  tinju Indonesia.”

Gegandhengan karo mangsa tembe sawise pertandingan non-gelar iku, petinju kang nyekel gelar juara WBA International iki masrahake kabeh marang pihak promotor. Minangka sawijining atlet, dheweke fokus kanggo persiapan ngadhepi tarung sabanjure.

“Iku kabeh urusane promotor. Aku yakin pihak promotor wis nyiapake kang paling apik kanggo aku mengkone,” ujare petinju kang dinane iki digembleng dening mantan pelatihe Chris John yaiku Craig Christian ksb. [d]***

 

Berita Terkait

Samak Minggu Ini

img

img

Sumber Semangat

Gawenen sibuk awak iki ing babagan kabecikan. Engga bab-bab kang ala kesel ngetutake langkah kita.

Klik

BAKIAK

1000 bakiak iki mujudake upayane Komunitas Wirausaha Muslim kang disumbangake marang mesjid-mesjid kang ana ing wilayah Surabaya lan sakupenge. (d/ist)

Pethilan

Peringkat kampus Indonesia munggah

Tapi aja takon wis peringkat pira ya???

NU-Muhammadiyah sarujuk nyirep suhu politik

Yen ana sing dadi kompor, kuwi oknum!

Anggaran kanggo mbubarake ormas Rp 5 milyar

Mbokmenawa sawise bubar oleh pesangon….