Kevin and The Red Rose
Diposting oleh : Administrator
Kategori: Tetepungan Remaja - Dibaca: 272 kali

Rumangsa wiwit ‘bosen’ karo Vierratale, Kevin Aprilio nyun-takake kreativitas musike kanthi mbentuk sawijining  band aran Kevin and the Red Rose. Sawijining album kanthi judhul “Untukmu” wis meluncur tengahe taun kepungkur. Lagu “Terkunci Untukmu” dipilih mi­nangka pambukaning dalan me­ngarep.

Senajan padha-padha band, kon­sep Vierratale beda karo Kevin and the Red Rose. Yen sing disebut per­ta­ma pure band kanthi vokalis cewek siji, dene band Kevin sing anyar iki ora beda kayadene grup vocal wae. Putra mbarep pasangane musisi Addie MS lan Memes iki tetep main piano, dene katelune personel liyane didhapuk minangka penyanyi. Priya umur 26 taun iki nggandheng vokalis mudha kebak bakat, yakuwi Lutfhi, Ilyas, lan Eda. Lan dikandhakake dening Kevin, dheweke nemokake ke­karone personil iku saka media sosial, instagram.

M. Ilyas Ibadurrahman lan Luthfi Aulia Chandra mujudake jeneng kang ditemokake liwat Instagram. Dene Narendra Pawaka iku kanca lawase Kevin dhewe nalika kuliah. Eda, julukan akrabe Narendra, mujudake anake aktris Ayu Dyah Pasha.

“Wiwit mula kan, kita pancen ora kenal. Pas pisanan, Kevin njaluk kita ngover lagu kang babar pisan durung ngerti lagune. Ya saka kontak-kontakan iku mau, wusanane kita gampang nyawiji” jlentrehe Lutfi.

“Aku migunakake Instagram kanggo ketemu cowok-cowok iku. Lutfhi lan Ilyas seneng post video. Suarane apik. Eda kanca kampusku lan aku ngerti suarane uga apik” sambunge Kevin.

Sawise iku, Kevin ngajak katelune kerja sama. Dheweke uga muji syukur dene pangajake ditampa dening Lutfhi, Ilyas, lan Eda. “Katelune Alhamdulillah nduweni visi misi kang padha. Iki pasare saka cilik nganti diwasa. Galau-ne iki Youth Balance” bacute Kevin Aprilio.

Sawise padha-padha ngumpulake materi, kepilih 9 lagu kang mejeng ing album debut “Untukmu”. Single pertama-ne “Ter­kunci Untukmu” nyritakake bab pawongan kang wis suwe keli jroning pangantu-antu. Nganti wusanane dheweke nemokake pawongan kang dikagumi banget. Senajan tresnane kebak liku-liku, nanging dheweke tetep nyoba ngyakinake yen tresna lan atine wis kekunci marang pawongan mau.

Kanthi bandha lirik kang romantis, notasi kang harmonis, dibungkus nuansa kang melankolis, ndadekake lagu “Terkunci Untukmu” keprungu penak banget. Asile, lagu iki laris manis nalika didol ing KFC. Album “Untukmu”, digadhang-gadhang mlebu daftar 5 besar pepayone album paling dhuwur ingf KFC. Ujare uga, pihak KFC ngandhakake yen album kang diproduseri Once Mekel iku wis ludhes payu puluhan ewu kopi.

Saperangan gedhe lagu ing album iki mawa irama mellow. Saliyane “Terkunci Untukmu”, sawenehing track liyane perlu disemak uga. Ing antarane yakuwi “Menyesal”, “Ingin Miliki Hatimu”, “Usai Sudah”, “Jembatan Cinta”, “Jangan Pergi”, “Malu Malu Mau”, lan “Setia”. Lagu sing pungkasan kuwi mu­judake karyane Pongki Barata.

Durung suwe iki Kevin and the Red Rose uga ngumumake yen “Menyesal” wusanane dipilih dadi single kaloro. Muga-muga dalane lancar lan muncul album-album sabanjure ya Kevin…

Putra komposer, Addie MS iki uga ngajab album ‘Untukmu’ bisa ditampa masyarakat. Sebab, manut Kevin, album du­weke Kevin and The Red Rose iku beda karo Vierratale.

“Pangajabe kanthi anane album iki warna anyar saka musikku bisa dinikmati masyarakat. Ora kalah fresh saka sadurunge. Anyar lan perlu dinikmati merga nuansa musike ing kene ora tau tak gawe ing album sadurunge” imbuhe Kevin Aprilio. (d)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa