Ni Luh Pratiwisanti Kenya Ayu Sugih Prestasi
Diposting oleh : Administrator
Kategori: Anyar Katon - Dibaca: 49 kali

Yen ndulu dedeg piadege kenya ayu siji iki, pancen mrebawani lan ora kena dianggep remeh. Kabeh busana kang tememplek ing awake, nambahi kewasisane jroning njoged. Wis trep karo kekudangane wong tuwane, Made Satyana (ramane) lan Wayan Murni (ibune) kang dadi guru SMP 2 Gerokgak, Buleleng, Singaraja Bali. Dene jenenge kenya ayu iki Ni Luh Pratiwisanti kang isih dadi siswi SMA I Buleleng klas 1 (siji).

Saploke Ni Luh Pratiwisanti dadi juwara nari tingkat Propinsi Bali, dheweke ora gumedhe, malah kepara lembah manah karo sapepadha titah. Tegese tansah ngajeni karo para guru, wong tuwane sakloron, lan kanca-kancane. Jalaran saka prestasi kang terus digayuh mula Ni Luh Pratiwisanti kondhang ing sekolahane. Lomba joged sing tau dimenangi kaya ta tari Tenun, tari Panji Semirang, tari Pedhet, tari Panembrama, sarta tari Baris.

Prastiwi disenengi karo kanca-kancane, kejaba dheweke pinter ngolah materi pelajaran, uga pinter kekancan. Pancen dheweke mono kenya enthengan.

Rikala ditemoni wartawan Panjebar Semangat, Pratiwisanti ngandharake, dheweke kelairan Buleleng, 1 Nopember 1998. Mula ya zodiak-e scorpio. Kapetung dheweke siswi kang sregep, taberi, lan mbangun turut marang wong tuwane.

Ni Luh Pratiwisanti uga ngandharake, sedhela maneh dheweke arep pentas tari neng Kintamani. Wektu iku kota Kintamani nggelar pentas seni kanggo nyugata wisatawan. Mulane Ni Luh Pratiwisanti sregep gladhen tari Panyembara lan tari Legong. Umume para pelajar wis digladhi utawa dilatih mawa basa Inggris, kanthi gladhen conversation (pacelathon).

Ing kalodhangan mau, wartawan PS nyoba takon mawa basa Inggris, “How about the school here?” (Kepriye kahanane sekolah kae?). Ni Luh Patiwisanti mangsuli, “Very nice. Every favorite school has many equipment. All students should be good in English,” (Nyenengake banget. Kabeh sekolah favorit nduweni fasilitas maenka werna. Saben siswa kudu bisa basa Inggris kanthi becik).

(Dewi Setyowati)

Berita Terkait

Samak Minggu Ini

img

img

Sumber Semangat

Yen kita ora bisa ngajeni, mula aja tau ngina.

Klik

KENYA MAIN TONG SETAN

Pemain tong setan biyasane wong lanang, nanging ing kene sing main sawijining wanita yakuwi kang jenenge Karmila Purba. Kenya umur 18 taun asal Pematang Siantar, Sumatra Utara iki cukup kondhang ora mung ing Indonesia, nanging uga ing donya. Iki gara-garane merga aksine diliput dening media asing yakuwi Guardian lan Metro. (d/ist)***

Pethilan

Presiden mundhut motor Royal Enfield Bullet 350 cc

Dadi kelingan esemka…

Tata kelola anggaran olahraga ala

Sabandhing lurus karo prestasine

Kabeh calon kepala daerah nyerahake LHKPN

Perkara datane bener apa ora uru­san mburi