Peri Ayu ing Gedhong Penjara
Diposting oleh : Administrator
Kategori: Alaming Lelembut - Dibaca: 60 kali

Wis suwe banget bumi Nuswatara iki dijajah bangsa Walanda. Ke-lakuwane Walanda anggone njajah marang wong pribumi we­ngis banget. Nganti ninggal riwayat ngeres-eresi kang isih nabet ing atine bangsa Indonesia engga seprena. Ana gempa­lane crita gegayutan karo jaman penjajahan Walanda kang mam­bu-mambu misteri  lan  nrenyuh­ake.

Dilam, tilas pegawe Lembaga Pemasyarakatan (LP) Bagian Pemuda ing Kecamatan Plantu­ngan, Kabupaten Kendal Jawa Tengah. Dheweke kandha ing tlatah Plantungan ana gedhong kuna warisane Walanda. Gedhong kuna kang nggembol misteri mau ujare akeh dipanggoni bangsa lelembut kang memba warna wujud nonik.

Wis 30 taun Dilam makarya dadi pegawe LP Plantungan. Dheweke wareg pengalaman ghoib sing magepo­kan karo alaming lelembut. Salah sijine pengalaman sing ora bisa dilalekake yai­ku kang katur ing ngisor iki.

Wengi kuwi dheweke nepaki entuk giliran jaga ana njero omah dhinese Ke­pala LP Platungan. Omah dhines mau mapane pernah iring kulon perumahane pegawe LP. Nganti jam 10 bengi  Dilam sibuk resik-resik lan mrenata prabotan. “Omahe wis sawetara dina kothong, merga Kepala LP sing lawas pindhah,” ujare Dilam mbukani critane.

Bubar reresik ruwang-tamu, Dilam mbacutake beres-beres ing kamar petu­rone Kepala LP. Ndilalah mripate ngantuk ora kena disayuti. Dheweke banjur lu­mah-lumah ing dhipan nganti siyat-siyut. Ing antarane turu lan melek dheweke kaya weruh ana klebate wanita ayu putih mrusuh mbukak kordhen jendhela ka­mar. Banjur kasusul mak breng ganda wangi mangambar-ambar. Sakala ngan­tuke  Dilam ilang.

 Wanita iku mbalang esem marang Dilam. Dhadhane kumesar. Wanita iku isih kapetung enom, umure udakara 30 taunan. Rambute diore, nganggo rok ru­pa putih tipis engga anggane sing mulus katon semrawang. Ora krasa getih lanange Dilam umob. Bola-bali dheweke ngeleg idu. Nanging dheweke dudu go­longane wong kang thukmis, isih duwe iman kang bakuh saengga kuwagang ngendhaleni hawa napsune.

Dilam wis nggraita yen prawan bule kang ana kamar mau panjalmane badan alus. Mula dheweke ora wani sembrana cilike njawat gedhene nggonjak. Dilam mung meneng wae  karo ngulati sapari-polahe wanita kasebut. Ora lidok, bareng ditamatake tenan tetela sikile kenya bule mau, ora tumpak ing jogan. Dadi cetha yen wong anyar katon mau bangsane makhluk kajiman. Sawise mbalang liring sepisan maneh, wanita iku banjur lunga.

Nanging Dilam isih penasaran. Dhe­weke nututi lungane kenya kasebut. Ba­reng pas tekan………………

Berita Terkait

Samak Minggu Ini

img

img

Sumber Semangat

Bakal tumekan wektune kita leren nresnani sawijining pawongan… dudu merga pawongan mau mandheg anggone nresnani kita, nanging… kita kudu ngrumangsani yen wong iku luwih bahagia saupama kita ngeculake

Klik

PATUNG KEDHIP

Yen para maos nyilem ing laut Karibia, mula bakal nemokake panggonan iki. Iki mujudake dheretan 500 patung kang pancen sengaja diseleh ing lokasi ksb. Nanging, ujare ngakeh, aja suwe-suwe yen ndeleng patung-patung kuwi, merga bisa ngedhipake matane yen kesuwen anggone mandeng. (d/ist)***

Pethilan

Mendikbud; greget nonton film nasional isih endhek

Merga tontonan politik luwih seru!

Pilkada 2017, calon jalur per¬seorangan rontok

Merga calon saka parpol kabeh cara luwih pol

Dalan rusak ing Jatim, saben dina ana trek ceklek as-e

Saben dina uga ora ana solusi kang pas