Jagading Tinju Bakal Migunakake Scan Tatu Sirah
Diposting oleh : Administrator
Kategori: Anyar Katon - Dibaca: 32 kali

Otoritas Tinju Inggris Raya lan Irlandia (BIBA) ora suwe maneh bakal migunakake pemindai (scan) tatu khusus kang ukurane sak remote tv kanggo mangerteni pendarahan ing sirah.

 

Kanthi anane alat iki diajab mengk­one bisa ningkatake petugas medis anggone nangani para petinju kang ngalami tatu ing bagian sirah.

“Yen ana sawijining petinju kang ngalami lara ing bagian sirahe, dhe­weke perlu diperiksa. Pihak medis bakal nekani lan nindakake scaning” ujare Wakil Presiden BIBA, Gianluca Di Caro, marang BBC Sport.

“Kita bakal oleh alat siji iki ing tang­gal 22 Februari mengko, dene turahe nyusul. Target kita duwe 10 scaner. Aku ngendelake banget marang spon­sor kanggo mawujude alat iki” ujare.

BIBA duwe rencana ngenalake pemindai tatu sirah iki ing acara ing Bradford, Inggris, 26 Februari 2017.

Mengkone, tim medis bakal mriksa kondisi sirahe petinju kanthi alat mau sadurunge lan sawise pertandingan.

Alat iki dumadi saka sinar laser kang bisa nem­bus sirah. Ting­kat akurasine nganti 90 per­sen lan saben pemeriksaan mbutuhake wektu te­lung menitan.

Sasuwene iki, BIBA wis pesen pe­mindai loro kanthi rega 15 ewu dollar AS (kira-kira Rp 199,8 yuta) saben alat siji. Inovasi iki ditindakake BIBA sawise anane sawenehing insiden tatu ing sirah.

Kasus paling serius dialami dening petinju Skotlandia, Mike Towell. Dhe­weke nganti tilar donya nalika Sep­tember 2016.

Dene nem wulan sadurunge, Nick Blackwell (Inggris) uga kepeksa pen­siun saka jagading tinju sawise nga­lami pendarahan ing utege.

 

McGregor Ngrubuhake Mayweather Patang Rondhe?

Sauntara kuwi, jagading beladiri Mix Martial Art (MMA) durung suwe iki dikagetake kanthi kelakuane Conor McGregor. Tukang gelut umur 29 taun iki nantang juara tinju dunia Flyod Mayweather ing ndhuwur ring.

Kemampuan kang diduweni McGregor pancen wis ora disumelang­ake maneh. Bab iki kadhang ndadek­ake McGregor arogan banget ing ndhuwur apadene ing njaba arena. Ndeleng tantangan kang ditawakake sawenehing wektu kepungkur, Mark Henry minangka pelatihe ngaku anak buahe kuwi bisa ngalahake May­weather kanthi gampang.

Henry nandhesake senajan awake McGregor katon luwih cilik, nanging dheweke bisa ndadekake May­weather KO (Knocked Out) mung jro­ning wektu patang rondhe wae.

“Kaya sing tak kandhakake, McGregor nduweni anteman kang luar biasa banget. Sajake dheweke bisa ngrubuhake Mayweather kanthi gampang banget” jlentrehe Henry, kaya kang diwartakake MmaMania, Rebo kepungkur (8/2/2017).

“Aku kepara ngira McGregor ndu­weni kesempatan kanggo ngrubuhake Mayweather jroning telu engga patang putaran wae. Sawise iku, dak pes­thek­ake bakal menehi pengobatan ing pinggir arena marang Mayweather” panutupe. (d)***

Berita Terkait

Samak Minggu Ini

img

img

Sumber Semangat

Nalika kita kesel lan gela, mula satemene nalika kuwi kita lagi sinau bab “kesabaran...”.

Klik

JAGO MOGE IBU WAWALI

Martha Catur Wurihandini, sisihane Wakil Wali Kota Depok Pradi Supriatna iki pranyata nduweni hobi kang cukup ekstrem. Yakuwi nin¬dakake freestyle nganggo motor gede Harley-Davidson. Aksi kang ngundang gawok ibu pejabat siji iki katon ing perayaan HUT Polwan ka 69, ing lapangan Polda Metro Jaya, mentas iki. Ya, saliyane minangka sisihane Wakil Wali Kota Depok, Martha pranyata sawijining perwira Polri kanthi pangkat Inspektur Satu. (d/ist)***

Pethilan

Rencana-rencana anggaran ASEAN Games kaco

Atlete ditarget oleh emas akeh!

Halimah Yacob, wanita lan mulsim pisanan dadi presiden Singgapur

Kabukten warung Padhang ana ing ngendi-endi …

Halimah Yacob, wanita lan mulsim pisanan dadi presiden Singgapur

Mangka ing Singgapur ora ana partai Islam